+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Soǵys jáne eńbek ardagerleriniń erlikterin eshqashan umytpaımyz - Máýlen Áshimbaev

2021 jylǵy 9 mamyr 10:51
Bólisińiz:
Soǵys jáne eńbek ardagerleriniń erlikterin eshqashan umytpaımyz - Máýlen Áshimbaev

NUR-SULTAN. QazAqparat - Uly Jeńis kúni – elge mura, urpaqqa uran bolǵan óshpes erliktiń merekesi. Bul týraly QR Parlamenti Senatynyń tóraǵasy Máýlen Áshimbaev Facebook paraqshasynda jazdy, dep habarlaıdy QazAqparat tilshisi.

«Barshańyzdy Uly Jeńis kúnimen shyn júrekten quttyqtaımyn! Bul – elge mura, urpaqqa uran bolǵan óshpes erliktiń merekesi. Otan úshin ot keshken atalarymyzdyń batyrlyǵy men janqııarlyǵynyń jarqyn úlgisi. Prezıdentimiz atap ótkendeı, halqymyz úshin Jeńis kúniniń qashanda orny bólek. Óıtkeni elimizdegi ár otbasy sum soǵystyń azabyn tartyp, zardabyn sezindi», - dedi Máýlen Áshimbaev.

Onyń atap ótýinshe, maıdanǵa attanǵan azamattarymyzdyń jartysy elge qaıtyp oralmady. Urys dalasynda qaısarlyǵymen kózge túsken 500-den astam qazaqstandyq Keńes Odaǵynyń Batyry atandy. Tylda qalǵandar da kúndiz-túni eńbek etip, jeńiske jetýge zor úles qosty.

«Sondyqtan fashızmdi kúıretýge tikeleı atsalysqan soǵys jáne eńbek ardagerleriniń erlikterin eshqashan umytpaımyz. Atalarymyzdyń jankeshtiligi men ájelerimizdiń tózimdiligin keńinen dáripteý, aramyzda júrgen maıdangerlerimizge qurmet kórsetý, ómirden ótkenderiniń rýhyna taǵzym etý – bizdiń perzenttik paryzymyz. Sol arqyly biz beıbitshilik pen tynyshtyqtyń qadirin túsinemiz. Óskeleń urpaqtyń patrıot bolyp qalyptasýyna jol ashamyz. Munyń qazirgideı syn-qaterler zamanynda mańyzy asa zor. Jeńis kúnimen quttyqtaı otyryp, ardagerlerimizge myqty densaýlyq jáne amandyq tileımin! Elimiz aman, jurtymyz tynysh bolsyn!», - dedi Senat tóraǵasy


Bizdiń kanalymyzǵa jazylyńyz:

Bólisińiz:

Avtor:

Marlan Jıembaı

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT