Snejanna Imasheva  janýarlardy qorǵaýǵa qatysty zań jobasyna pikir bildirdi

NUR-SULTAN. QazAqparat – Májilis depýtaty Snejanna Imasheva «Janýarlarǵa jaýapkershilikpen qaraý týraly» zań jobasyn ázirleýdiń qajettigine qatysty túsinik berdi, dep habarlaıdy QazAqparat tilshisi.

Uqsas jańalyqtar

Májiliste ken qorlarynyń sarqylýyna qatysty másele kóterildi

Ońtústik Koreıada qansha qazaqstandyq qylmystyq jaýapqa tartylǵan Koreıada sottalǵan 25 qazaqstandyqty elge qaıtarýǵa múmkindik jasalmaq Partııalarǵa Parlamentke ótýge múmkindik joǵarylaıdy - Álı Bektaev

Aıta keteıik, QR Parlamenti Májilisiniń bir top depýtattary ázirlegen osy zań jobasy qoǵamdyq talqylaýdan ótip jatyr.

Bul qujat Úkimettiń qaraýynda.

«Birazdan beri janýarlardy qorǵaýǵa qatysty qoǵamda úndeý jasalyp keledi. Osy oraıda buqaralyq aqparat quraldarynda túrli pikirler de jarııalanyp keledi. Olardyń barlyǵy janýarlarǵa qatysty qatygezdikke tyıym salatyn tıisti zańnamanyń joqtyǵyn atap ótti. Bizde jaýapkershilik pen qylmystyq jaza qarastyrylǵan. Atap aıtqanda, tıisti zań jobasyn mamandar, sarapshylar usynǵan edi, alaıda bul baǵyttaǵy qadamdarda ilgerileý bolmady. Sondyqtan qoǵamdaǵy úndeýlerdi eskere otyryp, áriptesterimizben osy zań jobasyna bastamashy bolý sheshimin jasadyq», - dep túsindirdi depýtat onlaın rejımde ótken talqylaýda.

Onyń atap ótýinshe, zań jobasy uzaq talqylandy.

«Bul óte sapaly qujat. Ondaǵy qaǵıdalar uzaq talqylanǵanyn atap ótken jón. Qujat nusqasy tıisti talaptarǵa saı bolǵandyqtan, áriptesterimiz oǵan bastamashylyq etti. Meniń oıymsha, Úkimet zań jobasyna qoldaý bildiretin bolady», - dedi Snejanna Imasheva.