Smaıylov balalarǵa el ishinde ekskýrsııalyq-tanymdyq is-sharalar uıymdastyrýdy tapsyrdy
2022 jylǵy 1 maýsym 11:05

Smaıylov balalarǵa el ishinde ekskýrsııalyq-tanymdyq is-sharalar uıymdastyrýdy tapsyrdy

NUR-SULTAN. QazAqparat – Búgin Úkimet otyrysynda QR Premer-Mınıstri Álıhan Smaıylov balalar úshin ekskýrsııalyq-tanymdyq is-sharalar uıymdastyrýdy tapsyrdy, dep habarlaıdy QazAqparat tilshisi.

«Mádenıet mınıstrligine ishki týrızmdi damytý aıasynda balalar úshin ekskýrsııalyq-tanymdyq is-sharalar uıymdastyrýdy tapsyramyn», - dedi Úkimet basshysy.

Sonymen qatar Álıhan Smaıylov balalardy úıirmelermen jáne sektsııalarmen qamtý maqsatynda Bilim, Mádenıet jáne sport mınıstrlikterine, óńir ákimdikterine memlekettik bilim berý, sport jáne shyǵarmashylyq tapsyrystar boıynsha aqparattyq júıeler ıntegratsııasyn qamtamasyz etýdi tapsyrdy.

«Bul sektsııalar men úıirmelerdegi naqty jaǵdaıdy kórýge, sondaı-aq olardyń qoljetimdiligin arttyrýǵa múmkindik beredi. Qoryta aıtqanda, barlyq óńir ákimderine Balalar jylyna arnalǵan is-sharalardyń oryndalýyn jeke baqylaýǵa alýdy tapsyramyn», - dedi Premer-Mınıstr.

Á.Smaıylov búgingi Úkimet otyrysynda balalar qatysatyn kez kelgen is-sharany uıymdastyrý, eń aldymen, olardyń qaýipsizdigine kepildik berýi tıistigin atap ótti.



Uqsas jańalyqtar

Jańalyqtar

Úrdis

MURAǴAT