+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

«Slavıan bazary» baıqaýyna qazaqstandyq ánshi Rýhııa Baıdúken qatysady

2021 jylǵy 30 mamyr 18:40
Bólisińiz:
«Slavıan bazary» baıqaýyna qazaqstandyq ánshi Rýhııa Baıdúken qatysady

NUR-SULTAN. QazAqparat – 14-19 shilde kúnderi Belarýstiń Vıtebsk qalasynda «Slavıan bazary» halyqaralyq óner festıvali ótedi. Bıyl baıqaýǵa Qazaqstan atynan jas ánshi Rýhııa Baıdúken qatysady, dep habarlaıdy QazAqparat.

Uqsas jańalyqtar
Erjan Erkinbaev QR mádenıet jáne sport vıtse-mınıstri bolyp taǵaıyndaldy Qaraǵandyda «Áýendi Saryarqa» XXII halyqaralyq festıvali ótedi

Rýhııa Baıdúken 1998 jyly Taldyqorǵan qalasynda dúnıege kelgen. Ol Qazaq Ulttyq óner ýnıversıtetinde «Estrada jáne vokal» mamandyǵynda oqıdy. Onyń daýysy tórt jarym oktavaǵa jetedi.

«Men ónerge bala kezimnen qushtarmyn, otbasymda Baıdúken atam ónerge jaqyn boldy. 4 synyptan bastap Taldyqorǵan qalasyndaǵy Óner mektebinde vokal synybynda bilim aldym. Qazir vokaldan sabaq beremin jáne meniń oqýshylarym – bir-birine uqsamaıtyn jeke tulǵalar. Onyń arasynda 5 jasar bala da bar, 30-dan asqan eresekter de bar. 22 jasymda ustazdyqty birge alyp júrý – úlken mindet dep oılaımyn. Onyń barlyǵy adamnyń ósýine kómektesedi», - deıdi jas ánshi QazAqparat tilshisine bergen suhbatynda.

Rýhııa Baıdúken «Slavıan bazary» baıqaýyna daıyndyqtyń qalaı júrip jatqanyn aıtyp berdi.

«Іrikteý Almatyda T. Júrgenov akademııasynda ótti. Qazylar alqasynda elimizdiń betke ustar óner tulǵalary boldy. Daıyndyq aqyryndap júrip jatyr. Mende prodıýser men menedjer joq bolǵandyqtan, qıyndyqtary da bar, árıne. Biraq kúndelikti daıyndyǵymdy jasap júrmin. Elimizdiń abyroıyn 74 memlekettiń arasynda qorǵaý óte mańyzdy. Baıqaýdyń birinshi kezeńinde álemdik hıt «Emotions» ánin oryndaımyn, ekinshi kezeńdegi án slavıan tilinde bolýy tıis, onda ýkraın tilindegi «Zozýlıa» ánin tańdadyq. Ekeýi de – daýysyma sińgen ánder. Kostıým máselesin Áset Taımanovqa senip tapsyrdym, onyń óte sapaly jumys isteıtinin bilemin jáne meniń ne qalaıtynymdy uǵa alady», - deıdi R. Baıdúken.

Sonymen birge ánshi «Slavıan bazarynyń» ulttyq irikteýine 3 jyl qatarynan qatysqanyn aıtty jáne oǵan tanymal ánshi Dımash Qudaıbergen aqyl-keńes bergen.

«Úshinshi talpynysta ǵana baǵym jandy deýge bolady. Bıylǵy irikteýge qatysý meniń josparymda bolmaǵan. Oǵan qatysýyma Dımash Qudaıbergenov sebepker boldy. Ol aǵalyq aqyl-keńesterin aıtyp, qaıta qatysyp kórýdi usyndy. Jalpy, Dımash aǵama alǵysym sheksiz! Ol – óner álemindegi alǵashqy qoldaýshylarymnyń biri», - deıdi R. Baıdúken.

Aıta keteıik, «Slavıan bazary» baıqaýy 1992 jyldan beri ótkizilip keledi. 2015 jyly Dımash Qudaıbergen, al 2019 jyly – Ádilhan Makın Qazaqstan atynan qatysyp, bas júlde ıelengen edi.


Bizdiń kanalymyzǵa jazylyńyz:

Bólisińiz:

Avtor:

Aıjan Serikjanqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059

MURAǴAT