+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

Skýter júrgizýshisine júrgizýshi kýáligi kerek pe

2021 jylǵy 19 maýsym 21:27
Bólisińiz:
Skýter júrgizýshisine júrgizýshi kýáligi kerek pe

PETROPAVL. QazAqparat – Soltústik Qazaqstan oblysynda polıtseıler «Jolda qabyldaý» aktsııasyn ótkizdi. Tikeleı efırde turǵyndar kókeıde júrgen suraqtaryna jaýap aldy, - dep habarlaıdy QazAqparat tilshisi.

Uqsas jańalyqtar
Elordada AQSh azamaty mas kúıde ustalyp, júrgizýshi kýáliginen aıyryldy

Petropavl turǵyny «Jolda qabyldaý» aktsııasyn paıdalanyp, tikeleı efırde kýáliginen elordada aıyrylǵany týraly aıtty. Ol endi júrgizýshi kýáligin SQO-dan shyqpaı alýǵa bola ma dep suraq qoıdy. Polıtsııa departamenti protsessıngtik ortalyǵynyń bastyǵy Áset Mátenniń aıtýynsha, júrgizýshi jol qozǵalysy erejeleri boıynsha teorııalyq emtıhan tapsyrýy qajet, al emtıhandy jergilikti jerde tapsyrýǵa bolady.

«Sondaı-aq, qala turǵyny kýáligin Petropavlda ala alady, ol úshin bar bolǵany mamandandyrylǵan halyqqa qyzmet kórsetý ortalyǵyna júginý qajet. Biz quqyq buzýshylyq astanada jasalǵandyqtan, biz sol jaqqa saýal joldaımyz. Basqarý quqyǵynan aıyrý merzimi aıaqtalǵan soń, qujattar qaıtarylady», - dep túsindirdi polıtseıler onlaın-dıalog barysynda.

Taǵy bir turǵyn skýterdi basqarýǵa qatysty keńes aldy.

«Qozǵaltqyshynyń kólemi 150 tekshe santımetrden asqan jaǵdaıda mundaı skýterdi tizgindeý úshin ony aldymen tirkeý kerek, sebebi bundaı kóliktiń eń joǵarǵy jyldamdyǵy saǵatyna 50 km. Sondaı-aq, kólikti basqarý úshin «A» sanaty boıynsha júrgizýshi kýáligi bolýy tıis», - dedi polıtsııa qyzmetkerleri.

SQO polıtsııa departamenti baspasóz qyzmetiniń málimetinshe, «Jolda qabyldaý» aktsııasy aıasynda ótkizilgen tikeleı efırler kezinde polıtseılerge 100-den astam jeli qoldanýshysy habarlasty. Suraqtardyń basym bóligi jol qozǵalysy qaýipsizdigine qatysty boldy. Sondaı-aq, Kóshi-qon qyzmetiniń jumysyna qatysty da suraqtar túsedi. Ýaqytsha turýǵa qalaı ruqsat alýǵa bolady, tólqujat, basqa da qujattardy qalaı alady – bul týraly Kóshi-qon qyzmetiniń qyzmetkerleri aıtyp berdi.

Respýblıkalyq «Jolda qabyldaý» aktsııasy barlyq óńirlerde, aýmaqtyq polıtsııa bólinisterinde eki kún ótkiziledi.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT