+7 (701) 759 90 19
USD 427.91 EUR 506.9
RUB 5.6 CNY 64.17
Jańalyqtar

SQO turǵyny qarý ustaý quqyǵynan úsh jylǵa aıryldy

2020 jylǵy 24 qyrkúıek 08:30
Bólisińiz:
SQO turǵyny qarý ustaý quqyǵynan úsh jylǵa aıryldy

PETROPAVL. QazAqparat – Soltústik Qazaqstan oblysynda «Qarý» jedel-profılaktıkalyq is-sharasy ótip, qarýdy saqtaý erejelerin buzýǵa qatysty 10 hattama toltyryldy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, Aqjar aýdanyndaǵy Kıevskoe aýylynyń turǵyny qarýyn qorasynda saqtap kelgen. Er adam bıyldyqqa osymen ekinshi ret qarý saqtaý erejesin buzyp otyr. Ýchaskelik ınspektor mamyr aıynda onyń arnaıy seıfte myltyǵymen birge basqa da bógde zattardy saqtaǵanyn anyqtaǵan.

Sol joly ákimshilik quqyq buzýshylyq faktisi jóninde hattama toltyrylyp, qarý ýaqytsha saqtaýǵa alyndy. Endi aýyl turǵyny úsh jyl boıy qarýyn paıdalana almaıdy. Bir jyl ishinde eki quqyq buzýshylyqqa jol bergeni úshin ol qarý saqtaý jáne alyp júrý quqyǵynan aıyryldy.

Sondaı-aq, Aqjar aýdanynda polıtseıler qarýyn avtokóliktiń júk salǵyshyna salyp júrgen kórshi aýdannyń turǵynyn ákimshilik jaýapkershilikke tartty. Ol Talshyq aýylyna kelip, ańshy myltyǵyn kóligine tastaıdy. Túnde aýyldyń mas turǵyny kólikti aıdap minip ketken. Alysqa uzaı almaı, jol-kólik oqıǵasyn jasap, sheteldik kólikti tastap ketip otyrǵan. Al qarý júksalǵyshta qaraýsyz jatqan.

Eki kúnniń ishinde qarý saqtaý erejelerin buzýǵa baılanysty 10 ákimshilik quqyq buzýshylyq anyqtaldy, 8 soltústikqazaqstandyq qaıta tirkeý merzimderin buzǵan.

«Qarý ıeleri qaýipsizdikti saqtaýǵa jaýapkershilikpen qaraýy tıis. Myltyq durys saqtalmasa ár túrli jaǵdaılarǵa, onyń ishinde apatqa da ákelýi múmkin. Sondyqtan ýchaskelik polıtsııa ınspektorlary qarýdy saqtaý erejeleri men zańda belgilengen basqa da talaptardyń saqtalýyn qatań baqylaýǵa mindetti», - deıdi SQO PD bastyǵynyń birinshi orynbasary Qanat Aıtbaev.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT