+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

SQO turǵyndarynyń tabysy respýblıkamen salystyrǵanda 30% tómen

2019 jylǵy 4 shilde 05:35
Bólisińiz:
SQO turǵyndarynyń tabysy respýblıkamen salystyrǵanda 30% tómen

PETROPAVL. QazAqparat - Soltústik Qazaqstan oblysynda óńir basshysy Qumar Aqsaqalovtyń tóraǵalyǵymen turǵyndardyń tabysyn arttyrý jónindegi jumys tobynyń otyrysy ótti, dep habarlaıdy QazAqparat tilshisi.

SQO ákimi baspasóz qyzmetiniń habarlaýynsha, jumys toby birneshe baǵytty qamtyǵan: kóleńkeli ekonomıkamen kúres, soltústikqazaqstandyqtardyń tabysyn arttyrý, «konverttegi jalaqyny» joıý, eńbek salasynda baqylaýdy kúsheıtý jáne saýda nysandaryn tsıfrlandyrý. Bul sharalar eńbekaqy qorynyń jáne salyq bazasynyń ósýine alyp kelmek.

«Oblysta turǵyndardyń tabysy respýblıkamen salystyrǵanda 30% tómen. Bizge kásiporyndardyń júıeli túrde eńbekaqyny ósirýine jaǵdaı jasaý mindeti tur. Taldaý kórsetkendeı, jeke sektordyń jetekshileri tapqan tabysty óndiriske salyp, eńbekaqyny ósirýdiń ornyna qarjyny shyǵyndarǵa qosyp qoıady. Barlyq tabystyń 83%, shamamen 403 mlrd tg kapıtaldy jáne basqa da shyǵyndarǵa jumsalǵan. Al salyq pen jalaqyǵa tek 10% qana baǵyttalǵan. 8 ese aıyrmashylyq», - dedi Qumar Aqsaqalov.

Óńir basshysy saýda oryndarynda POS termınaldardy ornatý jumysyn jandandyrýdy tapsyrdy. Oblysta 6,5 myń saýda nysany bolsa, sonyń tek 1,5 myńynda ǵana kartamen esep aıyrysýǵa bolady. Aı saıyn óńir turǵyndarynyń kartasyna 27 mlrd teńge tússe, sonyń 22 mlrd teńgesi bankomattardan sheshilip alynady eken. Aqshasyz tólem nebary 16% quraıdy.

Sondaı-aq, Qumar Aqsaqalov avtobýstarda elektrondy bılet júıesin engizýge de qarqyn qosýdy tapsyrdy. Ázirge bir de bir avtobýsta aqshasyz tólem jasaýǵa bolatyn qondyrǵy joq. Jaqynda valıdatorlar men QR kod arqyly esep aıyrysýǵa bolatyn apparattar ornatyla bastaıdy. Bul jumystar Petropavldyń taksoparkterinde de qolǵa alynýy tıis.

Jıyndy qorytyndylaǵan oblys ákimi jumystyń nátıjeleri týraly apta saıyn baıandap otyrýdy tapsyrdy. «Ár apta saıyn biz oń ózgeristerdi kórýimiz kerek», - dedi ákim.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT