SQO turǵyndarynyń shamamen 21 paıyzy medıtsınalyq saqtandyrylmaǵan
2022 jylǵy 26 maýsym 09:31

SQO turǵyndarynyń shamamen 21 paıyzy medıtsınalyq saqtandyrylmaǵan

PETROPAVL. QazAqparat – Soltústik Qazaqstan oblysy turǵyndarynyń 116 myńǵa jýyǵy saqtandyrylmaǵan, bul óńir halqynyń 20,8 %-y, dep habarlaıdy QazAqparat tilshisi.

«Áleýmettik medıtsınalyq saqtandyrý qory» KEAQ SQO boıynsha fılıaly baspasóz qyzmetiniń málimetinshe, mindetti áleýmettik medıtsınalyq saqtandyrýdy júzege asyrý boıynsha oblystyq shtab otyrysy ótti. Jıynda óńirdegi mindetti áleýmettik medıtsınalyq saqtandyrýdy júzege asyrý barysyndaǵy máseleler qaraldy.

«Mindetti áleýmettik medıtsınalyq saqtandyrý júıesine jarnalar men aýdarymdardyń túsýi jáne halyqty tartý týraly qazirgi jaǵdaıǵa toqtalar bolsam, 2022 jyldyń 5 aıynda oblys turǵyndarynan Qorǵa 5,4 mlrd teńge tústi. Jalpy júıe jumys bastaǵan 2017 jyldan 2022 jyldyń mamyryna deıingi kezeńde oblys turǵyndarynan MÁMS-ke 27,1 mlrd teńge aýdarymdar men jarnalar tústi. Bul QR boıynsha túsimderdiń 2,4 %-y. Saqtandyrylmaǵan azamattardyń sany 1 maýsymǵa 115 661 adamdy quraıdy, bul 20,8 %», - deıdi «Áleýmettik medıtsınalyq saqtandyrý qory» KEAQ SQO boıynsha fılıalynyń dırektory Larısa Gordeeva.

Saqtandyrylmaǵan azamattardyń ishinde jeke kásipkerlerdiń úlesi - 1 755 adam nemese 1,5 %; derbes tóleýshiler - 1 201 adam nemese 1 % ; biryńǵaı jıyntyq tólem tóleýshiler - 4 952 adam nemese 4,3 %; azamattyq-quqyqtyq sıpattaǵy sharttar boıynsha jumys isteıtin jaldamaly qyzmetkerler men jeke tulǵalar - 27 201 adam nemese 23,5 %. Al 79 923 adam nemese 69 % sońǵy 12 aıda birde-bir tólem jasamaǵan.

Memlekettik kirister departamenti usynǵan aqparatqa sáıkes, MÁMS tólemderi boıynsha bereshek, 1 maýsymdaǵy jaǵdaı boıynsha 34,1 mln teńgege jetken. Onyń ishinde Ǵ. Músirepov jáne Taıynsha aýdandary boıynsha bereshek 73 %-dy quraıdy.


Jańalyqtar

Úrdis

MURAǴAT