SQO turǵyndary júrgizýshi kýáligine emtıhan tapsyra almaı álek
2022 jylǵy 24 maýsym 22:56

SQO turǵyndary júrgizýshi kýáligine emtıhan tapsyra almaı álek

PETROPAVL. QazAqparat – Soltústik Qazaqstan oblysynyń mamandandyrylǵan halyqqa qyzmet kórsetý ortalyǵyndaǵy barlyq avtokólik birden buzylyp, turǵyndar júrgizýshi kýáligin alý úshin emtıhan tapsyra almaı jatyr, dep habarlaıdy QazAqparat tilshisi.

SQO turǵyndary mamandandyrylǵan halyqqa qyzmet kórsetý ortalyǵynyń jumys istemeı turǵandyǵy jóninde narazylyqtaryn áleýmettik jelide bildirdi. Olar V sanaty (mehanıka) úshin emtıhan tapsyra almaı júrgenderine shaǵymdandy. Ortalyqqa habarlasqan turǵyndar qyzmettiń qashan kórsetiletindigi jóninde jaýap ala almaǵan.

Jeli qoldanýshylaryna «Azamattarǵa arnalǵan úkimet» memlekettik korporatsııasy» KEAQ fılıalynyń PR-menedjeri Anar Qusanova jaýap berdi. Mamannyń aıtýynsha, 23 maýsym kúni birden úsh avtokólik buzylǵan. Ol kólikter V sanatyna emtıhan tapsyrý úshin qoldanylady. Mashınalardyń bireýin búgin, 24 maýsym jóndeýleri tıis. Qalǵandary da jaqyn arada iske qosylady.

Óńir turǵyndary mamyr aıynda ǵana mamandandyrylǵan halyqqa qyzmet kórsetý ortalyǵynyń jumysyna narazylyqtaryn bildirgen edi. Ol kezde adamdar avtodromnyń jumys istemeýinen kórshi oblystarǵa baryp emtıhan tapsyrýǵa májbúr boldy.

Petropavldaǵy mamandandyrylǵan halyqqa qyzmet kórsetý ortalyǵy 2014 jyly ashylǵan. 8 jyl boıy toqtaýsyz jumys istep kelgen qural-jabdyqtartyń tozyǵy jetken. Eskirgen jabdyqtar kóktemde aýystyryldy, avtodromda demontaj jumystary júrgizilip, kólikterdegi GPS datchıkter jańalandy.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT