+7 (701) 759 90 19
USD 388.07 EUR 427.54
RUB 6.08 CNY 55.36
Jańalyqtar

SQO turǵyndary maıdanda qaza tapqan atalarynyń zıratyn Lenıngrad oblysynan tapty

2019 jylǵy 21 qazan 22:55
Bólisińiz:
SQO turǵyndary maıdanda qaza tapqan atalarynyń zıratyn Lenıngrad oblysynan tapty

PETROPAVL. QazAqparat – Soltústik Qazaqstan oblysynyń turǵyndary Baqtybaevtar otbasy Ekinshi dúnıejúzilik soǵys kezinde maıdan dalasynda qaza tapqan atalarynyń zıratyn Reseıdiń Lenıngrad oblysynan tapty, dep habarlaıdy QazAqparat tilshisi.

Uqsas jańalyqtar
SQO-nyń delegatsııasy Lenıngrad oblysyna týǵan jerdiń topyraǵy salynǵan kapsýlany aparady Almatyǵa Reseı jerinde tabylǵan soǵys jaýyngeriniń súıegi jetkizildi BQO-da soǵys kezinde qaza tapqan 15 jaýyngerdiń súıegi qaıta jerlendi

Qazirgi Jambyl, burynǵy Presnov aýdany Ortaqshyl aýylynyń turǵyny Súleımen Baqtybaev Ekinshi Dúnıejúzilik soǵys bastalǵanda alǵashqylardyń biri bolyp maıdanǵa attanady. Otyzdan endi asqan jigitti, bir úıdiń jalǵyzyn týǵan-týys shyǵaryp salady. Artynda áıeli, bir ul jáne qyzy qalady. Alaıda, Súleımenge týǵan jerdiń topyraǵy buıyrmady. 1942 jyly shańyraǵyna «qaraly qaǵaz» keldi.

«Bertin kele atamyz jaıynda surastyryp, izdeı bastadyq. Ol kisiniń sýreti qalmaǵan, óıtkeni buryn fotoǵa túsýdi «Allaǵa qarsy is» dep túsingen. Internetti qoparyp, atamyz týraly, onyń qaıda jerlengeni jaıynda maǵlumat aldyq. Solaı, Nurtaı naǵashym áıeli Maısamen birge Lenıngrad oblysyna atamnyń zıratyna baryp, týǵan jerdiń topyraǵyn salyp keldi», - deıdi maıdangerdiń jıeni Samrat Quskenov.

Súleımen Baqtybaev Lenıngrad oblysy Lodeınopolskıı aýdany, Tenenıchı eldi mekenindegi baýyrlastar zıratyna jerlengen. Soǵysta kishi serjant sheninde bólimshe komandıri bolǵan eken.

«Meniń atam 314-shi atqyshtar dıvızııasy quramynda soǵysty. 1942 jyly «qaza tapty» degen qara qaǵaz keldi. Ákem Qonaq kózi tirisinde ákesiniń jatqan jerin tabýdy armandap dúnıeden ótti. Ákemizdiń armanyn oryndaý úshin izdep taptyq, topyraq salyp, baba rýhyna quran baǵyshtap qaıttyq. Ol jaqtan da bir ýys topyraq ákelip, ákemizdiń zıratyna saldyq», - deıdi S.Baqtybaevtyń nemeresi Nurlybaı Baqtybaev.

Baqtybaevtardyń aıtýynsha, Tenenıchı eldi mekenindegi baýyrlastar zıratyna 61 jaýynger jerlengen, ishinde qazaqtar da bar.

Jalpy, 40-shy jyldardyń basynda Jambyl aýdanyna qarasty Ortaqshyl aýylynan ǵana 33 adam soǵysqa attanyp, olardyń eshbiri elge qaıtyp oralmady.

Kelesi jyly Súleımen Baqtybaevtyń 110 jyldyǵyn odan taraǵan urpaq as berip atap ótpekshi.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT