+7 (701) 759 90 19
USD 426.32 EUR 496.24
RUB 6.04 CNY 66.74
Jańalyqtar

SQO tótenshe jaǵdaı bola qalsa, 1300-ge jýyq mamandy arnaıy tehnıkamen jibere alady

2021 jylǵy 22 qyrkúıek 10:05
Bólisińiz:
SQO tótenshe jaǵdaı bola qalsa, 1300-ge jýyq mamandy arnaıy tehnıkamen jibere alady

PETROPAVL. QazAqparat – Soltústik Qazaqstan oblysynda eki kúnge shaqtalǵan «Jer-2021» halyqaralyq komandalyq-shtabtyq oqý-jattyǵýy oblys ákiminiń orynbasary Sátjan Ablalıevtiń basshylyǵymen, oblystyq qyzmetter, azamattyq qorǵaý qurylymdarynyń qatysýymen ótip jatyr, dep habarlaıdy QazAqparat tilshisi.

Uqsas jańalyqtar
SQO-da skýter mingen jigit baǵanǵa soǵylyp kóz jumdy

SQO tótenshe jaǵdaılar departamentiniń málimetinshe, «Jer-2021» halyqaralyq komandalyq-shtabtyq oqý-jattyǵýy respýblıka aýmaǵynda 21-22 qyrkúıek ótip jatyr. Ǵabıt Músirepov atyndaǵy aýdanda ótip jatqan jıynda joıqyn jer silkinisi saldarynan týyndaǵan tótenshe jaǵdaıdy joıý kezinde azamattyq qorǵaý organdary men kúshteriniń is-qımyldary pysyqtalady.

Osy túrdegi aýqymdy tótenshe jaǵdaıda eldiń ár óńiri avarııalyq-qutqarý jáne izdestirý jumystaryn júrgizýge, tabıǵı kataklızmniń saldaryn jedel joıýǵa kúsh-quraldardy jedel jiberedi. Soltústik Qazaqstan oblysy qajet bolǵan jaǵdaıda quramynda 230 arnaıy tehnıka jáne jeke quramnyń 1252 adamy bar 74 qurylymdy temirjolmen jáne avtomobıl kóligimen jibere alady. Oblystyń kúsh-quraldary jer silkinisi bolýy múmkin aımaqta 14 táýlik boıy avtonomdy rejımde jumys isteý úshin barlyq qajettiliktermen qamtamasyz etilgen. Janar-jaǵarmaı, tamaq ónimderi, birinshi kezekte qajetti zattarmen qamtylyp, tehnıkany óz kúshimen jóndeý júrgizý múmkindigi qarastyrylǵan.

Oqý-jattyǵý aıasynda shuǵyl den qoıý jıyntyq jasaǵyn jáne shatyrly lagerdi, zardap shekkenderdi qabyldaý pýnktin qurý, jer silkinisi aýdanyna avtokolonnany jyljytý jáne temirjol platformalaryna ınjenerlik tehnıkany tıeý boıynsha bes praktıkalyq is-shara pysyqtaldy.

«Oqý-jattyǵý qorytyndysy boıynsha jergilikti atqarýshy organdardyń, SQO tótenshe jaǵdaı departamentiniń, sharýashylyq júrgizý nysandary men qurylymdarynyń jedel mindetterdi sheshýdegi, jer silkinisinen zardap shekken aýdandaryna kúsh-quraldardy daıyndaý jáne jóneltý jumysynyń úılesimdiligi men tıimdiligine baǵa beriledi», - deıdi departament bastyǵynyń orynbasary Murat Qanǵojınov.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059
REDAKTOR
Janat Qapalbaeva
Janat Qapalbaeva
954-059

MURAǴAT