+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

SQO polıtseıleri koronavırýs týraly jalǵan aqparat taratqandardy anyqtady

2020 jylǵy 26 naýryz 22:12
Bólisińiz:
SQO polıtseıleri koronavırýs týraly jalǵan aqparat taratqandardy anyqtady

PETROPAVL. QazAqparat – Soltústik Qazaqstan oblysynda tek ótken táýlik ishinde ǵana eldegi epıdemıologııalyq ahýalǵa qatysty jalǵan aqparat taratýdyń eki deregi anyqtaldy, dep habarlaıdy QazAqparat tilshisi.

Uqsas jańalyqtar
SQO-da koronavırýsty 4 jasar bala juqtyrdy Qazaqstannyń 4 oblysynda 9 adamnan koronavırýs anyqtaldy Jambylda 12 myńǵa jýyq otbasyndaǵy balalar kompıýtermen qamtyldy

SQO Polıtsııa departamenti baspasóz qyzmetiniń málimetinshe, Taıynsha aýdanynda qaýipti indet juqtyrǵan adam týraly jalǵan aqparat taraǵan. Aýdıohabarlamada tipti naýqastyń naqty málimetteri men turǵylyqty jeri týraly da málimetter habarlanǵan. Habarlamada jalǵan aqparat bergen áıel vırýs jutyrǵan Soltústik Qazaqstan oblysy turǵynynyń dıagnozy rastalyp, arnaıy komıssııa jumys istep jatqanyn da habarlaǵan. Taıynsha qalasynyń 39 jastaǵy turǵyny bul habarlamany «WhatsApp» messendjeri arqyly quramynda 10-nan astam adamy bar dostar tobyna jibergen. Toptaǵylar bul jalǵan aqparatty ary qaraı taratyp jibergen. Jalǵan habarlama bir kún ishinde júzdegen aýdan turǵynyna jetip, jergilikti turǵyndar arasynda úreı týdy. Іske jedel ýákilder kirisip, jalǵan habarlama avtoryn jedel anyqtady. Qazir kórineý jalǵan aqparat taratý faktisi boıynsha sotqa deıingi tergeý júrgizilýde. Áıel jerlesterinen keshirim surady.

Sondaı-aq Petropavldyń turǵyny koronavırýspen aýyrǵan eki adam týraly jáne aldaǵy ýaqytta oblys ortalyǵynyń karantınge jabylatyny jóninde otbasylyq chatqa habarlama jibergen. Aýrýdan tóngen qaýip pen qosymsha shekteý sharalary týraly eskertý maqsatynda top qatysýshylary bul jalǵan aqparatty tanystaryna jibergen. Jedel ýákilder jurtty dúrliktirgen oblys ortalyǵynyń turǵynyn tapty. Sondaı-aq, Mamlıýt aýdanynda polıtseıler jergilikti pablıkterge monıtorıng júrgizý kezinde aýdan ortalyǵynda anyqtalǵan indet týraly jalǵan kommentarıı ornalastyrǵan er adamdy anyqtady.

Polıtseılerdiń aıtýynsha, QR Qylmystyq kodeksiniń 274-babymen jalǵan aqparat taratqany úshin bas bostandyǵynan aıyrýǵa deıin jaýapkershilik kózdelgen. Eger bul tótenshe jaǵdaı kezinde bolsa, onda úsh jyldan jeti jylǵa deıingi merzimge bas bostandyǵyn shekteý nemese sol merzimge bas bostandyǵynan aıyrý túrindegi jaza qoldanylady.

«Halyq arasynda dúrbeleń týǵyzatyn jalǵan aqparattyń taralýyn anyqtaý jáne jolyn kesý maqsatynda jumystar júrgizilýde. Osyndaı faktiler áleýmettik jeliler men messendjerlerge monıtorıng júrgizý barysynda anyqtalady. Oblys turǵyndarynan tártipti saqtaýǵa, ýákiletti organdardyń talaptaryn oryndaýǵa, tyıym salynǵan jáne shekteý qoıylǵan sharalardy qoldanýǵa, jalǵan habarlamalardy elemeýge jáne resmı aqparat kózderin ǵana basshylyqqa alýǵa shaqyramyz. Bul pablıkterdiń ákimshilerine de qatysty, olar da aqparat ornalastyrǵan kezde senimdi málimetterge júginýleri kerek», - dedi SQO PD basqarmasynyń bastyǵy Rýslan Muhambetjanov.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT