+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

SQO polıtseıleri eskertedi: Shyrsha keskenderge 75 myń teńge aıyppul salynady

2019 jylǵy 11 jeltoqsan 19:08
Bólisińiz:
SQO polıtseıleri eskertedi: Shyrsha keskenderge 75 myń teńge aıyppul salynady

PETROPAVL. QazAqparat – Soltústik Qazaqstan oblysynda «Quqyqtyq tártip» jedel-profılaktıkalyq is-sharasynyń eki kúni ishinde 600-den astam quqyq buzýshylyq anyqtaldy, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń habarlaýynsha, eki kúnniń ishinde usaq buzaqylyq jasaǵany úshin 64 adam, ishimdikke qatysty zańnamany buzǵan 8 adam ustalǵan. 57 ata-ana balasynyń beımezgil ýaqytta kóshede júrgeni úshin jaýap berdi. Kólik jyldamdyǵyn shekten tys asyrý, rólge mas kúıde otyrý sekildi quqyq buzýshylyqtar da jıi kezdesedi. Sondaı aq el aýmaǵynda bolý tártibin buzǵan 33 sheteldik azamat anyqtaldy.

«Іs-sharany ótkizýdegi maqsat – kóshelerde, qoǵamdyq oryndarda quqyqtyq tártipti kúsheıtý. Jol qaýipsizdigin qamtamasyz etý. «Nóldik tózimdilik» prıntsıpin bekitip, qoǵamdyq tártiptiń buzylýyna áser etetin quqyq buzýshylyqtarmen kúresý. Jedel-profılaktıkalyq is-shara búkil el aýmaǵynda 9 jeltoqsannan bastaý aldy», - deıdi SQO Polıtsııa departamenti bastyǵy Marat Tólebaev.

Jańa jyl merekesi qarsańynda tártip saqshylary qylqan japyraqty aǵashtardy qorǵaýǵa aldy. Tabıǵatty qorǵaý polıtsııasynyń qyzmetkerleri shyrshany keskenderge ákimshilik qana emes, qylmystyq jaýapkershilik te qarastyrylǵanyn eskertedi. Aıyppuldyń mólsheri jeke adamdarǵa 75 myń teńge bolsa, laýazymdy tulǵalar men kásipkerlerge 30-dan 500 AEK-ke deıin. Bir qylqan japyraqty aǵash 37 myń teńgege – 15 AEK baǵalanǵan. Eger keltirilgen shyǵyn mólsheri 100 AEK asyp ketse, tártip buzýshy qylmystyq jaýapkershilikke tartylady.

Tártip saqshylarynyń aıtýynsha, byltyr oblysta shyrshany zańsyz kesýge qatysty bir ǵana derek tirkelgen. Sottyń úkimimen Mamlıýt aýdanynyń turǵyny 60 saǵat túzetý jumystaryna jegildi. Bıyl qazan aıynda qaraǵaı aǵashtarynyń kóshetterin qazyp alǵan úsheý ustaldy. «Urlyq» baby boıynsha qylmystyq is qozǵalyp, olar keltirilgen shyǵynnyń ornyn toltyrdy.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT