+7 (701) 759 90 19
USD 445.84 EUR 490.47
RUB 5.73 CNY 62.87
Jańalyqtar

SQO polıtseıleri: Ata-analar balasynyń kimmen aralasatynyn bilmeıdi

2020 jylǵy 30 qańtar 15:26
Bólisińiz:
SQO polıtseıleri: Ata-analar balasynyń kimmen aralasatynyn bilmeıdi

PETROPAVL. QazAqparat – Petropavl qalasynda tek qańtar aıynda 7 bala úıinen habarsyz ketip, aman-esen tabyldy, dep habarlaıdy QazAqparat tilshisi.

Uqsas jańalyqtar
Ómirzaq Shókeev koronavırýs juqtyrǵan jigitpen birge kelgen  jolaýshylardy  anyqtaǵan polıtseılerdiń jumystaryna baǵa berdi Koronavırýs týraly ázildegen polıtseı jumystan qýyldy Elordada medıtsına buıymdarynyń zańsyz saýdasyn anyqtaý maqsatynda reıd júrgizildi

SQO Polıtsııa departamenti baspasóz qyzmetiniń málimetinshe, jasóspirimderdiń bireýin eki márte izdeýge týra kelgen. Joǵalǵan balalardy izdeý operatsııasyn vedomstvo basshylyǵy birden baqylaýǵa alady. Barlyq jeke quram eskertilip, ıývenaldy, ýchaskelik polıtseılerden jáne tergeý polıtsııasy qyzmetkerlerinen izdeý toptary jasaqtalady. Joǵalǵandardyń barlyǵy bir táýliktiń ishinde tabyldy.

«Jasóspirimder ádette dostarynyń úıinen tabylady. Telefondaryn qosýdy umytyp ketedi nemese eresekter «mazalaryn almaý úshin» ádeıi sóndirip tastaıdy. Balamen senimdi qarym-qatynas ornatýdyń mańyzy zor. Ata-analardyń 70% qajet kezde ul-qyzdarynyń kimmen aralasatynyn aıta almaıdy. Bir mysal: 6-synyp oqýshysy mektepten keıin qurbysynyń úıine barǵan. Onyń qaıda ketkenin bilmegen anasy eki saǵat izdep, ózdiginen taba almaǵandyqtan polıtsııaǵa habarlasty. Qyzynyń ondaı qurbysy barlyǵyn bilmepti de. Іzdeýdi bastamaı jatyp, toqtattyq. Oqýshy úıine ózi aman-esen keldi», - deıdi Petropavl qalalyq polıtsııa basqarmasynyń bólim basshysy Elmıra Abýsheva.

Polıtseıler balanyń dostaryn ǵana bilip qoımaı, olardyń ata-anasymen de baılanys ornatýǵa keńes beredi.

«Úıińizde balańyzdyń dosy kóbirek otyryp qalsa, onyń ata-anasyna habarlasyp, ádeppen jasóspirimniń sizdiń úıde otyrǵanyn eskertken jón. Balany dosynyń úıine jiberip turyp, onda baqylaıtyn eresektiń barlyǵyna kóz jetkizińiz. Telefonynyń qosýly, qýatynyń tolyq bolýyn qadaǵalańyz. Eń bastysy – balańyzdyń úıden qashqysy kelmeıtindeı bos ýaqytyn jaqsy ótkizýine jaǵdaı jasańyz», - deıdi mamandar.

Úıden eshkimdi eskertpeı uzaqqa ketken jasóspirim bul áreketin qaıtalaıtyn bolsa, tártip saqshylary ony esepke alady. Ata-anasymen profılaktıkalyq jumys júrgiziledi. Birneshe ret qaıtalanǵan jaǵdaıda olarǵa durys tárbıe bermegendigi úshin ákimshilik jaza qoldanylady. Bul da nátıje bermegen jaǵdaıda balar arnaıy oqý ornyna jiberiledi. Byltyr óńirlik komıssııa osyndaı 7 sheshim qabyldaǵan.

Byltyr oblysta 35 jasóspirimge, onyń 20-sy er bala, izdeý jarııalanyp, tabyldy. Balalardy izdeýge «Qamqor» jáne «Lıder KZ» volonter klýbynyń músheleri kómektesti. Polıtseılerdiń aıtýynsha, áleýmettik jeli ákimgerleriniń de kómegi zor. Sondaı-aq taksopark júrgizýshileri de jolaýshylaryn este saqtap, birneshe jaǵdaıda jasóspirimderdi tez izdep tabýǵa kómektesken.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Altynbek Kýmarzak
Altynbek Kýmarzak
954-059

MURAǴAT