SQO PD baspasóz hatshysy Dınara Saǵyndyqova halyqaralyq baıqaýdan jeńispen oraldy

PETROPAVL. QazAqparat – Soltústik Qazaqstan oblystyq Polıtsııa departamenti baspasóz qyzmetiniń mamany Dınara Saǵyndyqova Reseı Іshki ister mınıstrligi uıymdastyrǵan «ıt ı pero» atty jýrnalısterdiń halyqaralyq baıqaýynan jeńispen oraldy, dep habarlaıdy QazAqparat tilshisi.

Uqsas jańalyqtar

Keles aýdanynda qoǵamdyq qabyldaýlar ótti

Almatyda turǵyndar shaǵymynan keıin kóshedegi eski qubyrlar alynyp tastaldy Aqtoty Raıymqulovaǵa jaraqattanǵan sportshyny saýyqtyrý jobasy tanystyryldy Jambyl oblysyndaǵy biryńǵaı qabyldaý 800-ge jýyq turǵyndy qamtydy

SQO PD baspasóz qyzmetiniń málimetinshe, bıyl «ıt ı pero» baıqaýy 18-ret uıymdastyrylǵan, al 2012 jyldan bastap halyqaralyq mártebege ıe. Polıtseılerdiń, jýrnalıster men medıamenedjerlerdiń Reseı polıtsııasynyń kúndelikti jumysyn kórsetetin shyǵarmashylyq jumystary, medıajobalary baǵalanyp, úzdikterdi RF ІІM basshysy Vladımır Kolokoltsev marapattady.

Jeńimpazdardyń ishinde Leonıd Kanevskıı, Vladımır Solovev, Alekseı Pımanov, Anna Shafran sekildi tanymal jýrnalıster bolǵan. Al Dınara Saǵyndyqovanyń «Doroga slavy» atty eńbegi «Yntymaqtastyq» atalymynda jeńiske jetti. Maqalada soltústikqazaqstandyq tártip saqshylarynyń Ekinshi Dúnıejúzilik soǵys jaýyngerleriniń erligin qalaı qurmetteıtindigi týraly aıtyldy.

TMD elderinen qatysqan 30 konkýrsanttyń ishinen tek úsh adamnyń eńbegi joǵary baǵalandy. Dınaradan basqa «Yntymaqtastyq» nomınatsııasynda Ózbekstan Respýblıkasy ІІM Birikken redaktsııasy «Na postý» basylymynyń meńgerýshisi Georgıı Petrosıan jáne Reseı ІІM «Professıonal» ǵylymı-tájirıbelik almanahy bas redaktorynyń orynbasary Valerıı Kýlık dıplom men qol saǵatqa ıe boldy. Atalǵan nomınatsııany «Nasha versııa» baspa úıiniń prezıdenti Nıkolaı Zıatkov tabys etti.

Qazylar alqasynyń quramynda tanymal qoǵam qaıratkerleri, federaldy buqaralyq aqparat quraldarynyń jetekshileri boldy. Baıqaýdyń aımaqtyq kezeńderi uıymdastyrylǵandyqtan olardyń nazaryna myńdaǵan jumys usynyldy. Polıtsııa podpolkovnıgi Dınara Saǵyndyqova bul konkýrsqa Qazaqstannyń atynan qatysty.

«Marapattaýdan keıin tanymaıtyn adamdar birinen soń biri kelip meni qushaqtap, quttyqtap, qýanyshymdy bólisti. Olar RF ІІM oqý oryndarynda oqıtyn bizdiń qazaqstandyq kýrsanttar eken. Máskeýlikterdiń de bizdiń elge degen qurmeti zor. Ony men metroda da, meımanhanada da, marapattaý saltanatynda da sezindim. Bizge osyndaı baıqaýlarǵa qatysýǵa, shyǵarmashylyǵymyzdy shyńdaýǵa múmkindik bergen QR ІІM, ózimniń SQO Polıtsııa departamentine alǵysym zor. Bul – bizdiń vedomstvonyń ortaq jeńisi», - deıdi Dınara Saǵyndyqova.