+7 (701) 759 90 19
USD 424.99 EUR 504.21
RUB 5.81 CNY 65.66
Jańalyqtar

SQO onkologııa ortalyǵynda zamanaýı MRT apparaty iske qosyldy

2021 jylǵy 27 mamyr 21:56
Bólisińiz:
SQO onkologııa ortalyǵynda zamanaýı MRT apparaty iske qosyldy

PETROPAVL. QazAqparat – Soltústik Qazaqstan oblysyndaǵy onkologııalyq ortalyqta táýlik boıy jumys isteıtin MRT apparaty iske qosyldy. Bul medıtsınalyq qyzmet sapasyn arttyryp, kezek kútkenderdiń sanyn qysqartpaq, dep habarlaıdy QazAqparat tilshisi.

SQO kópbeıindi aýrýhananyń onkologııalyq ortalyǵyna Frantsııada jasalǵan zamanaýı MRT apparaty qoıyldy. Investor – «Zein Invest» JShS. Investıtsııalyq joba – 602 mln teńge turady.

«Biz óz tarapymyzdan ǵımarat berip, tehnıkalyq jaǵdaı jasadyq. Olardyń turǵyndarǵa tekserýge jumsaǵan barlyq shyǵynynyń ornyn toltyramyz. Aldaǵy 3-4 aptada oblystyq aýrýhanaǵa kezekti 70 paıyzǵa azaıtamyz. Qazir kezek 2,5 aıǵa buryn jazylǵan», - deıdi SQO densaýlyq saqtaý basqarmasynyń basshysy Qabdyrahman Saqtaǵanov.

Jańa qondyrǵy táýlik boıy tańǵy saǵat 8.00-den tańǵy saǵat 5.00-ge deıin úsh aýysymda jumys istemek.

«Bul - sońǵy eki jylda iske qosylǵan ekinshi qondyrǵy. Qazir óńirde 3 MRT apparaty jumys isteıdi. Standartqa sáıkes bir MRT qondyrǵysy 100 myń turǵynǵa qyzmet kórsetýi tıis. Oblysqa 5 apparat qajet. Óńirdiń jańadan qabyldanǵan keshendi josparyna sáıkes qarajat bólinip jatyr. Kelesi jyly taǵy da eki jańa MRT apparaty alynady», - dedi SQO ákimi Qumar Aqsaqalov.

Óńir basshysynyń aıtýynsha, medıtsına salasyna bólinetin qarajattyń kólemi jyl saıyn ulǵaıyp keledi. Sońǵy úsh jylda densaýlyq saqtaýǵa 10 mlrd teńge shamasynda qarjy jumsaldy.

«Bıyl qajetti qondyrǵylardy alýǵa 3 mlrd teńge bólindi. Eki kompıýterlik tomograf alynady. Onyń bireýi kópsalaly oblystyq aýrýhanaǵa, ekinshi oblystyq balalar aýrýhaasyna qoıylady.

Byltyr 23 medıtsınalyq nysan jóndeldi, bıyl olardyń qataryna 8-i qosylady. Qosymsha kadr jetispeýshiligi máselesin sheshýimiz qajet. Óńirge 128 dáriger keledi degen jospar bar. Olarǵa 2,5 mln teńgeden kótermeaqy berýge bıýdjetten qarajat bóldik», - dedi Qumar Aqsaqalov.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059

MURAǴAT