+7 (701) 759 90 19
USD 425.59 EUR 505.43
RUB 5.61 CNY 64.83
Jańalyqtar

SQO ónertapqyshtary qaı salada jańa dúnıeler jasap shyǵardy

2020 jylǵy 6 qazan 21:54
Bólisińiz:
SQO ónertapqyshtary qaı salada jańa dúnıeler jasap shyǵardy

PETROPAVL. QazAqparat – Soltústik Qazaqstan oblysynda ónertapqyshtar negizinen aýyl sharýashylyǵy salasyna jáne energııany únemdeýge qatysty ónertabystaryn tirkeıdi, dep habarlaıdy QazAqparat tilshisi.

Petropavl turǵyny ıÝrıı Davydenko elektr kózderiniń úzdiksiz jumys isteýine múmkindik beretin «Kaskadty sermerli elektr stantsııasyn» oılap tapty. 15 jyl boıǵy eńbektiń nátıjesin júzege asyrǵan jaǵdaıda balamaly qýat kózi – jel qondyrǵylary sııaqty elektr stansalary da qandaı jaǵdaıda bolmasyn toqtaýsyz jumys isteıtin bolady.

«SQO-da jel toqtaýsyz soǵady. Alaıda biz ony energııa óndirýde tıisinshe qoldanbaı otyrmyz. Meniń oılap tapqan dúnıemdi kez kelgen elektr stansasyna qoldanýǵa bolady. Qurylǵy úzdiksiz qorektendirý kózi retinde paıdalanylady. Bul jobanyń qorshaǵan ortaǵa esh zııany joq», - deıdi ıÝrıı Davydenko.

SQO ádilet departamentiniń bólim bastyǵy Marııa Tomastyń aıtýynsha, óńirde daryndy ónertapqyshtar kóp. Óner tabysy negizinen aýylsharýashylyǵynda jetkilikti, ǵımarattardy jylytýǵa qatysty, elektr qýatyn óndirýge qatysty jańashyldyqtar bar.

«Bizdiń aınalamyzdaǵy buıymdardyń barlyǵyn bireý oılap tapqan, jetildirý úshin kóp oılanyp, eńbek sińirgen. Biraq biz ol jaıynda oılana bermeımiz. Adamnyń oıymen jasalǵan kez-kelgen dúnıeniń óz quny bar. Biz sonymen jumys isteımiz. Ónertapqyshtardyń sany kóbeıip keledi. Qazir olar ózderiniń oılap tapqan dúnıelerinen aırylyp qalmaý úshin tirkeý qajettigin túsinedi», - deıdi Marııa Tomas.

Mamannyń aıtýynsha, kóp jaǵdaıda ónertapqyshtar qorǵaý qujatyn alyp, sonymen shektelip qalady. Olardyń qolynda túrli syzbalar, ólshemder, kesteler bar. Óz jumystaryn halyqqa kórsetip, onyń qajettiligin kórsetý úshin ónertapqyshtarǵa arnaıy joba qajet.

«Patent alý óte uzaqqa sozylatyn protsess. Aldymen túrli saraptamalar jasalady. Oǵan shamamen bir jyldaı ýaqyt ketedi. Tek sodan keıin ǵana patent alady nemese belgili sebepter negizge alynyp berilmeıdi.

Avtorlyq quqyqty alý ońaıyraq. Ol tolyq avtomattandyrylǵan. Ótinish túsisimen bir kúnniń ishinde alýǵa bolady. Taýar belgisin alý úshin 7 aı saraptamanyń qorytyndysyn kútý qajet. Barlyq keltirilgen málimetter tekseriledi», - deıdi bólim bastyǵy.

SQO boıynsha 2019 jyly 100 shaqty qorǵaý qujattary berilgen. Oǵan ónertabystar, taýarlyq belgiler, paıdaly modelder jáne ónerkásiptik úlgiler kiredi.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT