+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

SQO-nyń jańa týrıstik logotıpi bekitildi

2021 jylǵy 23 shilde 22:05
Bólisińiz:
SQO-nyń jańa týrıstik logotıpi bekitildi

PETROPAVL. QazAqparat – Soltústik Qazaqstan oblysynyń 85 jyldyq mereıtoıy qarsańynda óńirdiń jańa týrıstik logotıpi paıda boldy, dep habarlaıdy QazAqparat tilshisi.

Uqsas jańalyqtar
Aqmola oblysynda týrızm salasynyń qyzmetkerleri marapattaldy Prezıdentke Kaspıı teńizi jaǵalaýyndaǵy týrıstik klasterdi damytýǵa arnalǵan jobalar tanystyryldy Aqtaý qalasyndaǵy týrıstik aýmaqta ınjenerlik jáne kólik ınfraqurylymy jasalýy tıis - Toqaev

Shilde aıynyń sońynda Soltústik Qazaqstan oblysynyń 85 jyldyq mereıtoıy atap ótiledi. 1936 jyly qurylǵan oblysty eń birinshi bolyp Maksım Ammosov degen azamat basqarǵan eken. Ǵasyrǵa jýyq ýaqyt ishinde óńir tanymastaı ózgerdi, berekeli, qonaqjaı mekenge aınaldy. Endi óńirdiń ereksheligin ashatyn aıshyqty belgisi bar.

«Jylqy basy beınelengen logotıp arqyly biz óńirimizdiń baılyǵyn, sulý tabıǵatyn, baı tarıhyn kórsettik. Jylqyny alýymyzdyń sebebi – jylqy osy óńirde alǵash ret qolǵa úıretilgen, ol ǵylymı dáleldendi. Ár tústiń ózindik aıtar oıy bar. Jasyl jaly – óńirdiń jasyl jelekke oranǵanyn, qyzyldan saryǵa qaraı berilgen tús – kún batyp bara jatqandaǵy bıdaıy pisken egin alqabyn, odan keıingi kók tús – óńirdiń ózen-kólderge baı ekenin kórsetedi», - deıdi logotıp avtorlarynyń biri Aleksandr Shıngýrov.

Jańa týrıstik logotıp jarııalanbas buryn SQO-da 1-15 shilde aralyǵynda arnaıy baıqaý uıymdastyryldy. Aleksandr Shıngýrov eńbek etetin dızaınerlik kompanııanyń jumysy úzdik dep tanylyp, bekitildi.

«Baıqaý negizinen dızaınerler arasynda ótti. Respýblıkanyń jáne basqa elderdiń sýretshilerine de múmkindik berdik. Keshe nátıjesin shyǵaryp, úzdik jobany tańdadyq», - deıdi SQO mádenıet, tilderdi damytý jáne arhıv isi basqarmasy basshysynyń mindetin atqarýshy Dosbol Ábdirıisov.

Jańa logotıp oblys ortalyǵynyń kireberisine, qala kóshelerine, avtobýstar men ǵımarattarǵa salynbaq.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER

MURAǴAT