SQO-nyń úzdik ýchaskelik ınspektory Mamlıýt aýdanynda qyzmet etedi
2022 jylǵy 22 maýsym 05:33

SQO-nyń úzdik ýchaskelik ınspektory Mamlıýt aýdanynda qyzmet etedi

PETROPAVL. QazAqparat – Soltústik Qazaqstan oblysynyń aýyldyq úzdik ýchaskelik ınspektory Baqytjan Smaıylov Mamlıýt aýdany polıtsııa bóliminde eńbek etedi, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, 44 jastaǵy Baqytjan Smaıylov 2005 jyldan bastap ishki ister organdarynda eńbek etip keledi.

Aldymen mamandandyrylǵan kúzet qyzmeti basqarmasynyń Mamlıýt aýdany polıtsııa vzvodynyń polıtseıinen bastaǵan.

Keıin kámeletke tolmaǵandardyń isteri jónindegi ınspektory, ýchaskelik polıtsııa ınspektory, jergilikti polıtsııa qyzmeti bólimshesi bastyǵynyń orynbasary qyzmetin atqarǵan.

2020 jyldyń sáýirinen bastap, Krasnoznamennyı aýyldyq okrýginiń ýchaskelik ınspektory bolyp eńbek etip jatyr.

Ákimshilik ýchaskege myńnan asa turǵyny bar úsh aýyl qaraıdy.

Bir ereksheligi, bul okrýg arqyly «Chelıabi - Novosibir» halyqaralyq avtomobıl joly ótedi, oblys ortalyǵy - Petropavl, aýdan ortalyǵy - Mamlıýtka qalasy jaqyn.

Aýylda qyzmet etetin ýchaskelik polıtsııa ınspektorynyń kúndelikti jumysy qaladaǵy áriptesterine qaraǵanda aýqymdy.

Ýchaskelik ınspektorǵa aýyldyq okrýgtiń ákiminen basqa kómek qolyn sozatyndar az. Sondyqtan eń bastysy halyqtyń qoldaýyna, senimine ıe bolý.

«Turǵyndardyń Baqytjan Smaıylov týraly pikiri jaqsy, ony talapshyl, árqashan kómektesýge ázir jáne ádil dep baǵalaıdy. Ýchaskelik ınspektordyń mindeti tek jazalaý emes, quqyq buzýshylyqtyń aldyn alý. Jasóspirimder arasynda qylmysty boldyrmaý úshin de aýyldyq okrýgtiń ákimi Aleksandr Kopendakov pen orta mekteptiń dırektory Murat Tashmaǵambetovpen tyǵyz jumys isteıdi», - deıdi Mamlıýt aýdany polıtsııa bóliminiń bastyǵy Petr Klımov.

2021 jyldyń aıaǵynda óńirdiń aýyl polıtseıleri arasynda ótkizilgen «Úzdik ýchaskelik polıtsııa ınspektory» oblystyq baıqaýynda Baqytjan Smaıylov jeńimpaz atandy.

Polıtsııa maıory elimizdiń barlyq aýmaqtarynan jınalǵan áriptesterimen birge QR ІІM Alqasyna qatysyp, «Úzdik ýchaskelik polıtsııa ınspektory 2021 jyl» tósbelgisimen, sondaı-aq Іshki ister mınıstriniń gramotasymen marapattaldy.

Al bıyl mamyrdyń sońynda tártip saqshysyna turǵyn úımen biriktirile salynǵan jańa ýchaskelik pýnktiń kilti saltanatty túrde tabys etildi.


Seriktester jańalyqtary

Jańalyqtar

Úrdis

MURAǴAT