+7 (701) 759 90 19
USD 405.69 EUR 455.51
RUB 5.72 CNY 57.42
Jańalyqtar

SQO-nyń Taıynsha aýdanyndaǵy ken-baıytý kombınatynda tóbeles boldy

2020 jylǵy 3 maýsym 16:34
Bólisińiz:
SQO-nyń Taıynsha aýdanyndaǵy ken-baıytý kombınatynda tóbeles boldy

PETROPAVL. QazAqparat – Soltústik Qazaqstan oblysynyń Taıynsha aýdanyndaǵy «Obýhovskıı ken-baıyty kombınaty» JShS aýmaǵyndaǵy tóbeleske baılanysty eki adam ýaqytsha ustaý ızolıatoryna qamaýǵa alyndy, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, 2 maýsymda Taıynsha aýdandyq polıtsııa bólimine «Obýhovskıı KBK» JShS aýmaǵyna kólikpen 30 shaqty adamnyń kelgendigi jóninde habar túsedi. Ken-baıytý kombınatynyń aýmaǵyna birden jedel-tergeý toby jiberildi. Tártip saqshylary Qaraǵandydaǵy «Tıolaın» JShS-nyń jeti quryltaıshysynyń ekeýiniń ózderimen birge kúzet agenttikteriniń ókilderin ákelgendigin anyqtady.

Qaraǵandydan kelgender kúzetiletin aýmaqqa kirmek bolǵan. Saldarynan kúzet agenttigi qyzmetkerleri men kásiporyn qyzmetkerleri arasynda qaqtyǵys týyp, 10 adam túrli jaraqat aldy. Olarǵa Taıynsha aýdanyndaǵy jáne Aqmola oblysyndaǵy emdeý mekemelerinde medıtsınalyq kómek kórsetildi.

Bul fakti «Buzaqylyq» baby jáne kúzet agenttikteriniń ókilettikti asyra qoldaný deregi boıynsha Sotqa deıingi tergep-tekserýdiń biryńǵaı tizilimine engizildi. Eki kúdikti – 1994 jáne 1998 jyly týǵan er adamdar ýaqytsha ustaý ızolıatoryna qamaldy.

SQO Polıtsııa departamenti men oblystyq prokýratýra basshylyǵy JShS jetekshileri men qyzmetkerlerin zań aıasynda óz quqyqtaryn qorǵaýǵa shaqyrady.

Aıta keteıik, «Tıolaın» JShS tıtan-tsırkonıı kenin óndirip, baıytýmen aınalysady. Seriktestik 2004 jyly ádilet organdarynda tirkelip, ken ornynyń janynan ken-baıytý kombınatyn saldy. JShS qazir jeti quryltaıshysy bar. 2006 jyly kásiporyn QR Energetıka mınıstrligimen tıtan-tsırkonıı qumyn 2023 jylǵa deıin óndirý boıynsha kelisimshartqa otyrdy. Búginde quryltaıshylar tapqan tabysty bólise almaı, daýlasyp jatyr. Buǵan deıin de birneshe ret janjaldasyp, sottasqan.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059

MURAǴAT