SQO-nyń sáýlet-qurylys salasynyń basshylyǵyna para aldy degen kúdik keltirilip otyr

NUR-SULTAN. QazAqparat – Soltústik Qazaqstan oblysy ákimdiginiń memlekettik sáýlet-qurylys baqylaýy mekemesiniń basshylyǵy sybaılas jemqorlyq boıynsha kúdikke ilindi.

Uqsas jańalyqtar

Atyraý oblysynda sybaılas jemqorlyq deńgeıi tómendedi

Qaraǵandy oblysynda sybaılas jemqorlyqqa beıim salalar ataldy «Regıon-GZ» memlekettik satyp alý tıimdiliginiń monıtorıngin júrgizýge múmkindik beredi Aqtóbede múgedek erli-zaıyptyny kóseýmen urǵan kúdikti ustaldy

Bul týraly QR Sybaılas jemqorlyqqa qarsy is-qımyl agenttiginiń baspasóz qyzmeti habarlady.

Soltústik Qazaqstan oblysynyń Sybaılas jemqorlyqqa qarsy qyzmetimen «Soltústik Qazaqstan oblysy ákimdiginiń memlekettik sáýlet-qurylys baqylaý jáne lıtsenzııalaý basqarmasy» KMM basshysy jáne osy basqarmanyń bólim basshysyna qatysty sybaılas jemqorlyq qylmysyn jasady degen kúdikpen sotqa deıingi tergeý bastaldy.

Olarǵy qyzmettik ókilettikterine kiretin is-áreketter úshin aıtarlyqtaı mólsherde júıeli túrde para aldy degen kúdik keltirilip otyr.

Qazirgi ýaqytta eki epızodpen jalpy somasy 650 myń teńge para aldy degen aıyp taǵyldy.

Mekeme basshysyna qatysty úıde qamap ustaý bultartpaý sharasy retinde sanktsııa qoldanyldy.

Budan basqa, atalǵan adamdardyń qylmystyq is-áreketiniń jolyn kesý nátıjesinde iri mólsherde para alýǵa baǵyttalǵan, olar josparlaǵan basqa da qylmystardyń aldyn alyndy.

Sotqa deıingi tergeý jalǵasýda.

Olardyń kinásine qatysty túpkilikti sheshimdi sot shyǵarady.