+7 (701) 759 90 19
USD 425.85 EUR 499.78
RUB 5.82 CNY 65.87
Jańalyqtar

SQO-nyń polıtsııa bazasynda 67,5 myń saýsaq izi jáne 82,5 myń adamnyń deregi bar

2021 jylǵy 4 tamyz 04:45
Bólisińiz:
SQO-nyń polıtsııa bazasynda 67,5 myń saýsaq izi jáne 82,5 myń adamnyń deregi bar

PETROPAVL. QazAqparat – Soltústik Qazaqstan oblysy polıtsııa departamentiniń krımınalısteri jyl basynan 1 600-ge jýyq qylmys ornynda jumys istep, derekter bazasyn 7700 daktokarta jáne 640 saýsaq izimen tolyqtyrdy, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, krımınalıst, tergeýshi, jedel ýákil - úsh bólinisten bir ofıtserden táýliktik kezekshilikke túsip otyrady. Olar qylmys jasalǵan jerlerge shyǵyp, oqıǵa ornyn tekseredi jáne keı shuǵyl máselelerdi sheshedi. Jedel-tergeý toby quramyndaǵy sarapshy-krımınalıstiń róli mańyzdy. Qylmyskerlerdi izin sýytpaı ustaý, tipti isti sotqa deıingi tergep-tekserýdiń barysy da krımınalıstiń is-áreketine baılanysty.

SQO PD jedel-krımınalıstıkalyq basqarmasynda tájirıbeli 12 qyzmetker jumys isteıdi. Olardyń basym bóligi – podpolkovnıkter men maıorlar. Bóliniske polıtsııa polkovnıgi Igor Semenov jetekshilik etedi. Jalpy oblys boıynsha – 48 krımınalıst bar. Olardyń barlyǵynyń da fızıka jáne jaratylystaný ǵylymdary boıynsha kúrdeli teorııalyq bilimderi bar, shyńdalǵan, árqaısysy polıtsııa qyzmetine qajetti zamanaýı tsıfrlyq tehnıkamen jumys isteı alady.

Sýyq qarýdy, qujattardy tehnıkalyq-krımınalıstıkalyq zertteý, jazýlar men tańbalardy, saýsaq izderin, ıisterdi, qarýlardy zertteý – soltústikqazaqstandyq krımınalıster zertteýler men saraptamalardyń barlyq atalǵan túrlerimen jumys isteıdi.

«Jeti aıdyń ishinde krımınalıster 4500-den astam jedel-izdestirý is-sharalaryna, tergeý amaldaryna qatysty, 1580 oqıǵa ornyn tekserdi», - deıdi SQO PD JKB bastyǵy Igor Semenov.

«Papılon» avtomattandyrylǵan daktıloskopııalyq aqparattyq júıesi derekteriniń kúdiktilerdi anyqtaýda septigi zor. Búgingi tańda bazada 356 myń daktokarta men 67 500 saýsaq izi bar. Bıyl taǵy 7700 daktokarta, sondaı-aq qylmys ornynan alynǵan 640 saýsaq izimen tolyqtyrylǵan.

«Bıyl daktıloskopııalyq eseptermen jumys 76 qylmystyń betin ashýǵa kómegin tıgizdi. Sonyń ishinde 4 adam óltirý, 20 densaýlyqqa aýyr zııan keltirý, 2 aıdap áketý, 42 bótenniń múlkin urlaý, 19 páter urlyǵy boıynsha oń sáıkestik boldy. «Papılondy» jáne daktoesepterdi paıdalaný arqyly 27 máıit anyqtaldy», - deıdi Igor Semenov.

82 500 adam deregi jınalǵan «Obraz++» aqparattyq izdestirý júıesi de jyl basynan 2500 adamǵa tolyqty, bazamen jumys isteý barysynda bıylǵy jyly qylmysqa kúdikti 11 adam anyqtaldy.

Derekter bazasynan bólek, kúnelikti qylmystarǵa shyǵý qorytyndysy boıynsha krımınalıster aıaq kıim izderi, buzyp kirý quraldary jáne basqa dálelder kollektsııasyn udaıy tolyqtyryp otyrady. Birneshe jyl boıy jınalǵan kollektsııa jyl basynan 26 qylmysty ashýǵa septigin tıgizgen.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT