+7 (701) 759 90 19
USD 427.93 EUR 506.71
RUB 5.55 CNY 64.29
Jańalyqtar

SQO-nyń 3 aýdanynda polıtsııa bólimderiniń bastyqtary aýysty

2020 jylǵy 25 qyrkúıek 22:29
Bólisińiz:
SQO-nyń 3 aýdanynda polıtsııa bólimderiniń bastyqtary aýysty

PETROPAVL. QazAqparat – Soltústik Qazaqstan oblysynyń bas polıtseıi Marat Tólebaev aýdandyq polıtsııa bólimderiniń bastyqtaryn tanystyrý úshin úsh aýdanǵa bardy, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, Ǵabıt Músirepov atyndaǵy aýdannyń polıtsııa bóliminiń bastyǵy bolyp polıtsııa podpolkovnıgi Marat Áljanov taǵaıyndaldy. Marat Berkinbaıuly ishki ister organdarynda 1999 jyldyń tamyzynan qyzmet atqaryp keledi. Onyń basshylyq laýazymdarda tájirıbesi mol. Bes jyl boıy Ýálıhanov aýdany polıtsııa bólimin basqardy. Al Ǵabıt Músirepov aýdandyq bólinistiń burynǵy basshysy Aıdos Іdirisov SQO PD bastyǵynyń orynbasary laýazymyna taǵaıyndaldy.

Ýálıhanov aýdany polıtsııa bóliminiń bastyǵy bolyp polıtsııa podpolkovnıgi Rýslan Álıjanov taǵaıyndaldy. Rýslan Zaınıdenuly ishki ister organdarynda 2001 jyldyń qarashasynan qyzmet atqaryp keledi. Buǵan deıin Ýálıhanov APB bastyǵynyń orynbasary qyzmetin atqarǵan.

Polıtsııa polkovnıgi Marat Serkeshev Aıyrtaý aýdany polıtsııa bóliminiń bastyǵy laýazymyna taǵaıyndaldy. Marat Ómirbekuly bul salaǵa 1994 jyldyń tamyzynda kelgen. Basshylyq laýazymdarynda tájirıbesi mol. Buǵan deıin oblystyq apparattaǵy krımınaldyq polıtsııa basqarmasy bastyǵynyń orynbasary qyzmetin atqardy. Oblystyq polıtsııa vedomstvosynyń bastyǵy taǵaıyndalǵan jańa basshylardy aýdan ákimderi men aktıvke tanystyrdy. Polıtsııa bóliminiń jeke quramynyń qatysýymen jańa basshylardyń aldynda mindetter qoıyldy. Bul mindetter Memleket basshysy Qasym-Jomart Toqaevtyń 2020 jylǵy 1 qyrkúıektegi «Jańa jaǵdaıdaǵy Qazaqstan: is-qımyl kezeńi» Joldaýynyń basym baǵyttarynda belgilengen.

«Qazir oblys aýdandarynda oraq naýqany qyzǵan, dıqandarǵa jan-jaqty kómek kórsetý – saqshylardyń mindeti. Bólinisterdiń materıaldyq-tehnıkalyq jabdyqtalýyn baǵalańyzdar. Tsıfrlandyrý boıynsha máselelerdi sheshý, «qoljetimdi polıtsııa» qaǵıdaty boıynsha jumysty uıymdastyrý úshin atqarýshy bılikpen tyǵyz qarym-qatynas jasaý qajet», - dep Marat Tólebaev jańa taǵaıyndalǵan basshylarǵa mindetter qoıdy.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janat Qapalbaeva
Janat Qapalbaeva
954-059

MURAǴAT