+7 (701) 759 90 19
USD 429.75 EUR 507.45
RUB 5.61 CNY 63.93
Jańalyqtar

SQO-ǵa jumysqa kelgen dárigerlerge 1,5 mln teńge kótermeaqy beriledi

2020 jylǵy 1 qazan 13:58
Bólisińiz:
SQO-ǵa jumysqa kelgen dárigerlerge 1,5 mln teńge kótermeaqy beriledi

PETROPAVL. QazAqparat – Soltústik Qazaqstan oblysynda dáriger jetispeýshiligi máselesin sheshý úshin óńirge jumys isteýge kelgen ár mamanǵa jergilikti bıýdjetten 1,5 mln teńge kótermeaqy beriletin boldy, dep habarlaıdy QazAqparat tilshisi.

Uqsas jańalyqtar

SQO ákimi Qumar Aqsaqalovtyń bastamasymen oblystyq máslıhattyń sessııasynda óńirge jumysqa kelgen barlyq medıtsınalyq jáne farmatsevtıkalyq mamandarǵa jergilikti bıýdjetten 1,5 mln teńge - bir rettik tólem beriletin boldy. Bul jaıynda Facebook áleýmettik jelicindegi jeke paraqshasynda oblystyq máslıhattyń depýtaty, SQO kópsalaly aýrýhanasynyń bas dárigeri ıÝrıı Belonog habarlady.

«Buryn 1,5 mln teńge aýyldyq jerlerge baratyn mamandarǵa ǵana berilip, tizimnen Petropavl jáne qala mártebesi bar 4 aýdan ortalyǵy alynyp tastaldy. Al olar kelgen mamandarǵa kótermeaqyny óz bıýdjetterinen jáne 200 AEK mólsherinen asyrmaı beretin. Búgin bul sáıkessizdik alynyp tastaldy. Nátıjesinde SQO-ǵa dárigerlerdi tartý jumystary jeńildeı túspek», - dep jazdy ıÝrıı Belonog.

Jalpy bıyl oblystyq kópsalaly aýrýhanaǵa 9 jas dáriger keldi. Olar tar aýqymdy mamandar: otorınolarıngolog, ýrolog, anestezıolog, akýsher-gınekolog jáne taǵy basqalary. Emdeý mekemesi óz bıýdjetinen árqaısysyna 1 mln teńgeden kótermeaqy berdi, jalǵa alynǵan baspananyń páteraqysyn tólep jatyr.

«Oblystyq kópsalaly aýrýhanaǵa áli de 20 dáriger qajet. Sonyń ishinde perınataldyq ortalyqqa akýsher-gınekologtar, reanımatologtar kerek. Kótermeaqy tólenip, jaǵdaı jasalatyn bolsa bul másele bir jyldyń ishinde sheshiledi», - deıdi bas dáriger.

SQO-nyń emdeý mekemelerine 2017 jyly 306 dáriger jetpese, ótken eki jylda 190 mamanǵa qysqardy. Bıyl óńirge taǵy 110 jas maman keledi dep kútilýde.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT