+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

SQO eldi mekenderin sý basý qaýpi azaıdy

2020 jylǵy 7 sáýir 16:03
Bólisińiz:
SQO eldi mekenderin sý basý qaýpi azaıdy

PETROPAVL. QazAqparat – Soltústik Qazaqstan oblysyna bıyl erte kelgen kóktem arnaıy qyzmetterdiń jumysyn azdap bolsyn jeńildetti. Buǵan deıin 92 eldi meken sý basý qaýpi joǵary aýmaqtardyń qatarynda bolsa, búginde keıbirine keler qater joq, dep habarlaıdy QazAqparat tilshisi.

Kóktemgi sý tasqyny ahýaly jaıynda Óńirlik kommýnıkatsııalar qyzmetinde aıtyldy. Tótenshe jaǵdaılar departamentiniń bastyǵy Ramıl Kamalovtyń aıtýynsha, óńirde kóktemde sý basý qaýpi joǵary 92 eldi meken bar. Onyń 41-i erigen qar sýynan, al 36-sy shaǵyn ózenderdiń jáne Esil ózeniniń arnasynan shyǵýynan, 15-i kólderdiń sýǵa tolýynan zardap shegýi múmkin.

«Bul eldi mekenderdiń kópshiliginen sý basý qaýpi alyndy. Mamandardyń boljamy boıynsha, Sergeev sý qoımasynyń bógetinen 2 metrge deıin sý asyp tógilýi múmkin. Mundaı jaǵdaıda Qyzyljar aýdanyndaǵy Prıbrejnoe, Esil aýdanyndaǵy Zarechnyı sekildi 18 eldi meken zardap shegýi yqtımal. Aqmola oblysyndaǵy Jabaı jáne Kolýton ózenderinen ázirshe qansha sý keletini belgisiz. Bıyl kórshi óńirde de qar molynan jaýdy, sý qory jetkilikti. Biz qandaı jaǵdaı bolmasyn daıyn otyrýymyz kerek», - deıdi Ramıl Kamalov.

Oblystyń Ǵ. Músirepov, Tımırıazev aýdandarynda joldardy sý shaıý derekteri bar. Biraq aınalma joldardyń bolýynan, eldi mekender arasynda baılanys úzilgen joq. Mamandardyń aıtýynsha, ózenderde sý deńgeıi kúndelikti kóterilip jatqanymen, ázirshe bir úıge de sý kirgen joq.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059

MURAǴAT