Qoldanýshy baptaýlary
Qoldanýshy baptaýlary
+7 (701) 759 90 19 Lenta
USD 384.87 EUR 432.52
RUB 6.11 CNY 55.95
Jańalyqtar

SQO-daǵy shalǵaı aýyldyń dárigeri 3,5 myń adamǵa medıtsınalyq kómek kórsetedi

2019 jylǵy 13 maýsym 21:58 709
Bólisińiz:
SQO-daǵy shalǵaı aýyldyń dárigeri 3,5 myń adamǵa medıtsınalyq kómek kórsetedi

PETROPAVL. QazAqparat - Soltústik Qazaqstan oblysyndaǵy Qýlykól aýylynyń dárigerine kórshi oblystyń turǵyndary da kelip qaralyp, em alady. Qazir onyń patsıentteriniń sany 3,5 myńnan asqan, dep habarlaıdy QazAqparat tilshisi.

Ýálıhanov aýdanyndaǵy Qýlykól aýyly - Soltústik Qazaqstandaǵy eń shalǵaı ornalasqan eldimekenderdiń biri. Oblys ortalyǵymen ara qashyqtyq - 660 shaqyrym. Qaımaǵy buzylmaǵan qazaq aýylynyń mektebi, isher sýy bar. Eń bastysy emhana jumys istep tur.

«Okýlısi de, gınekology da, pedıatry da, terapevti de - biz. Minekeı, 40 jyl boldy, osy Qýlykólde ǵana eńbek etip jatqanyma. Ómir úıretti. Aýylda turǵannan keıin aralaspaı-quralaspaı júrmeısiz. Qonaqtar da bolady. Kúnde dep aıtpaımyn, kezdesedi, otyrǵan jerińnen shaqyrtyp áketedi. Bireýi kólik apatynan, bireýi qolyn kesip alady, áıelder bosanyp jatady», - deıdi aýyldyq emhananyń meńgerýshisi Saılaý Ydyrysov.

Qýlykóldikterdiń sózine qaraǵanda, emhananyń túp qazyǵy da osy - Saılaý Ydyrysov. 40 jyl aýyl aýrýhanasynda tapjylmaı eńbek etken tájirıbeli maman zeınetke shyqqasyn qalaǵa kóshken. Biraq týǵan jerge degen saǵynysh janyna tynyshtyq bermepti. Byltyr qaıtyp kelgen dáriger qazir súıikti isimen aınalysyp júr.

SQO-daǵy shalǵaı aýyldyń dárigeri 3,5 myń adamǵa medıtsınalyq kómek kórsetedi 

Saılaý Áýbákirulynyń negizgi mamandyǵy hırýrg bolsa da, qazir ol terapevtiń, balalar dárigeriniń qyzmetterin qosa atqaryp júr. «Barlyq mamannan habaryń, tájirıbeń bolý kerek, aýyl dárigeriniń ereksheligi de sol», - deıdi bilikti maman.

Qýlykól emhanasy kezinde aýrýhana bolǵan. Qoly jeńil hırýrg aýyl aýrýhanasynda jylyna 150-deı túrli ota jasaǵan kezderi boldy.  Ońtaılandyrýdan keıin mekeme aýyl emhanasyna aınalypty. Qazir munda Saılaý Ydyrysovtan basqa 4 medbıbi eki aýyldyq okrýgtiń 2 myńǵa jýyq turǵynyna qyzmet etedi. Shalǵaıda jatqan aýyl dárigerine tipti, kórshi Pavlodar oblysynyń jaqyn mańdaǵy 4 aýylynyń 1,5 myń adamy da kelip, em qabyldaıdy eken.

«Krasnokýtskııden, áli esimde, bálen jyl ótse de, 14 jasar balany ákeldi. Іshegi oratylyp qalypty. Sony osynda ózimiz istedik. Saǵat 11-diń kezinde ákep tur. 2 saǵat ishinde operatsııa isteýimiz kerek. Zavorot degen sondaı, ana dúnıege ótip ketýi múmkin. Sol bala dókeı jigit boldy», - deıdi dáriger.

Dárigerlik - Ydyrysovtardyń otbasylyq kásibine aınalǵan búginde. Saılaýdyń ákesi Áýbákir soǵysta áskerı feldsher bolǵan. Ulynyń medıtsına salasyna bet burýyna sol kisi muryndyq bolypty. Qazir Saılaýdyń bir balasy hırýrg, bir uly sot-medıtsına saraptamashysy, taǵy eki balasy nevrolog jáne nevropatolog bolyp eńbek etýde. Olar úshin Saılaý Ydyrysov ardaqty áke ǵana emes, úlgi tutar tájirıbeli bilikti ustaz da. Búginde balalarynan 5 nemere súıip otyr. Solardyń biri - bıyl mekteptiń toǵyzynshy synybyn bitirgen Danıal Saılaý bolashaqta hırýrg bolyp, ata jolyn jalǵastyrmaqshy. 

SQO-daǵy shalǵaı aýyldyń dárigeri 3,5 myń adamǵa medıtsınalyq kómek kórsetedi 

 

 

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT