+7 (701) 759 90 19
USD 389.59 EUR 429.06
RUB 6.05 CNY 55.07
Jańalyqtar

SQO-daǵy Meńgeser tuzdy kóliniń qasıeti Óli teńizge para-par

2019 jylǵy 28 shilde 10:00
Bólisińiz:
SQO-daǵy Meńgeser tuzdy kóliniń qasıeti Óli teńizge para-par

PETROPAVL. QazAqparat – Soltústik Qazaqstan oblysyndaǵy Meńgeser kóliniń mıneraldy sýyna shomylyp, kóptegen dertke em balshyǵyn jaǵý úshin munda arnaıy keletinder sany jyldan-jylǵa artyp keledi, dep habarlaıdy QazAqparat tilshisi.

Meńgeser kóli Soltústik Qazaqstan oblysynyń Mamlıýt aýdanynda ornalasqan. Petropavldan 83 shaqyrym qashyqtyqta jatqan tuzdy kólge onyń qasıetin biletinder shildeniń ortasynan bastap aǵyla bastaıdy. Halyq bul jerde dem alyp qana qoımaı, ımmýnıtetterin kóterip, densaýlyqtaryn túzeý úshin qonyp jatyp em qabyldaıdy.

Jergilikti turǵyndardyń aıtýynsha, kóldiń paıdasyn kórý úshin ol «pisken» kezde kelý kerek. ıAǵnı sý jylyǵan kezde ondaǵy shaıandar, ekologııalyq taza tuzdy sýda ǵana bolatyn Artemııa salına sý betine kóteriledi. Bul – kóldiń babyna kelgeni.

«Meńgeserdiń balshyǵy kúkirtti-sýtekti. 1988 jyly jergilikti joǵary oqý ornynyń stýdentteri men oqytýshylary kóldiń soltústik jaǵyn zerttedi. Emdik balshyǵynyń qabaty 20-30 sm, keı jerlerde odan da kóp jáne 30 myń tekshe metr jerdi alyp jatyr.



Hımııalyq-fızıkalyq kórsetkishteri boıynsha kóldiń sýy men balshyǵy Stavropoldegi Tambýkan, Qorǵan oblysyndaǵy Medvejka, Novosibir oblysyndaǵy Karacha jáne Gorkoe kólderine uqsas. Izraıldegi Óli teńizben de salystyryp jatady», - deıdi M.Qozybaev atyndaǵy Soltústik Qazaqstan memlekettik ýnıversıtetiniń georgrafııa jáne ekologııa kafedrasynyń professory Natalıa Beletskaıa.



Mamandardyń aıtýynsha, Meńgeserdiń balshyǵy kóptegen dertke shıpa. Sonyń ishinde súıegi syrqyrap, baltyry syzdaǵandarǵa, ostehondroz, omyrtqa býyndarynyń qabynýy, ostıt, mıozıt, býrsıt sııaqty býyn-súıek aýrýlaryna em. Budan basqa júıke júıesiniń aýrýlaryna, asqazan-ishek joly, búırek, teri aýrýlaryna qarsy qoldanylady eken.



Alaıda, júrek-qan tamyrlary aýrýy barlarǵa, eki jasqa deıingi nárestelerge, aýrý asqynǵanda, ekiqabat áıelderge, qaterli isigi barlarǵa balshyqpen emdelýge tyıym salynǵan.

Jalpy, Soltústik Qazaqstan óńiri shıpaly balshyǵy men mıneraldy sýy bar kólderge baı. Olardyń onǵa jýyǵy ǵana kezinde zerttelip, tıimdiligi dáleldengen eken. Biraq bul tuzdy kólderdiń adam aǵzasyna orasan paıdasy bolǵanymen ázirshe ıgerilip jatqan joq.

Qazirgi ýaqytta Meńgeser kóliniń basyna demalyp, emdelý úshin kúnine ǵana 500-deı adam kelip ketedi.





Bizdiń kanalymyzǵa jazylyńyz:

Basty sózder: Soltústik Qazaqstan oblysy,
Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT