+7 (701) 759 90 19
USD 424.92 EUR 500.09
RUB 5.87 CNY 65.92
Jańalyqtar

SQO-daǵy kóne ǵımaratta Islam mádenıetiniń mýzeıi ashylmaq

2021 jylǵy 22 shilde 15:03
Bólisińiz:
SQO-daǵy kóne ǵımaratta Islam mádenıetiniń mýzeıi ashylmaq

PETROPAVL. QazAqparat – Soltústik Qazaqstan oblysynda mádenıet salasyndaǵy 14 jobany júzege asyrýǵa bıyl 1,2 mlrd teńge bólindi, dep habarlaıdy QazAqparat tilshisi.

Uqsas jańalyqtar
SQO-nyń turaqtandyrý qorynda 3 myń tonnadan astam azyq-túlik bar Qarqaralyda Toqtar men Álıhannyń sýretteri beınelengen mýral paıda boldy Elordada úlesker qarjysyn qabyldaýǵa quqyǵy joq qurylys uıymdarynyń tizimi jarııalandy

SQO ákiminiń orynbasary Ǵanı Nyǵymetov óńirlik kommýnıkatsııalar qyzmetinde brıfıngige qatysyp, oblysta atqarylyp jatqan jumystarǵa toqtaldy.

Máselen óńirdiń mádenıet salasynda bıyl 14 úlken joba júzege asyrylmaq.

Bul maqsatqa 1,2 mlrd teńge jumsalmaqshy. Solardyń biri – qurylysy 2018 jyly bastalǵan teatr ǵımaraty.

«Petropavlda S.Muqanov atyndaǵy qazaq teatrynyń qurylysy bastalǵan. Alaıda ondaǵy jumystar berilgen kesteden kesheýildep jatyr. Qazirgi mediger kompanııa salǵyrttyq tanytty. Joba túzetýge jiberildi. Qurylysty aıaqtaý úshin qaıta konkýrs jarııalanady», - deıdi Ǵanı Nyǵymetov.

Al oblys ortalyǵyndaǵy Kırov atyndaǵy zaýyttyń aýmaǵyndaǵy kóne ǵımarat jaqynda mýzeıge aınalýy tıis.

«Kóne ǵımarat osy ýaqytqa deıin kásiporynnyń qoımasy retinde paıdalanylyp keldi. Prezıdent óńirge kelgende bul eski meshitti qalypqa keltirip, Islam mádenıetiniń mýzeıin ashýǵa tapsyrma berdi. Osy maqsatqa bıýdjetten 100 mln teńge bólindi. Konkýrs jarııalandy. Qurylyspen aınalysatyn kompanııa tamyz aıynyń sońynda belgili bolady. Islam mádenıetiniń ortalyǵy qala turǵyndaryn, kelgen qonaqtardy, týrısterdi bizdiń óńirdiń tarıhymen, Islam dininiń damýymen tanystyryp, dinaralyq qatynasty nyǵaıtýǵa jumys isteıdi», - deıdi oblys ákiminiń orynbasary.

Sondaı-aq, Aqan seri atyndaǵy oblystyq fılarmonııa ǵımaraty kúrdeli jóndeýden ótedi. Kórkemóner galereıasy boıynsha da joba ázir, qujat saraptamaǵa jiberildi.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT