+7 (701) 759 90 19
USD 425.78 EUR 494.08
RUB 5.98 CNY 66.23
Jańalyqtar

SQO-daǵy ken ornynyń qyzmetkerleri memlekettik organdardan kómek surady

2021 jylǵy 7 qyrkúıek 15:37
Bólisińiz:
SQO-daǵy ken ornynyń qyzmetkerleri memlekettik organdardan kómek surady

NUR-SULTAN. QazAqparat – Soltústik Qazaqstan oblysyndaǵy tıtan-tsırkonıı óndiretin álemdik deńgeıdegi biregeı ken ornynyń jumysshylary narazylyq bildirýde. Olar Obýhov taý-ken baıytý kombınatyn bireýler reıderlik jolmen basyp almaqshy ekenin alǵa tartady. Búgin brıfıng barysynda osy kombınattyń 4 jumysshysy 9 kúnnen beri ashtyq jarııalap otyrǵany belgili boldy, dep habarlaıdy QazAqparat.

Nur-Sultan qalasynda ótken brıfıngide kompanııa basshylary kombınattyń qazirgi jaǵdaıyn áńgimelegen bolatyn. Olardyń aıtýynsha, reseılik aktsıonerleri sanalatyn Bashqurt soda kompanııasy qazir zaýytty bankrotqa jetkizip, sosyn ony basqa sheteldikterge satyp, tolyqtaı solardyń basqarýyna berýdi kózdep otyr. Kombınat ókilderi men advokatynyń sózine qaraǵanda, sońǵy kezderi atalǵan nysanǵa qatysty reıderlik tartyp alýdyń barlyq kórinisteri baıqalǵan. «Aktsıoner sanalatyn reseılik olıgarhtardyń maqsaty kompanııany bankrottyq jaǵdaıǵa jetkizý. Sosyn ony basqa shetel ınvestorlaryna is júzinde qymbatqa satý, al ózderi qaǵaz júzinde bankrottyqtyń aldynda turǵan kombınatty óte arzanǵa sattyq deýi de múmkin. Aınalyp kelgende reseılik aktsıonerlerdiń maqsaty osy bolyp tur», deıdi advokat.

Al «Tıolaın» JShS atqarýshy dırektory Vıktor Dolgalevtyń aıtýyna qaraǵanda, Tıtan-tsırkonıı kenine talas talaıdan beri jalǵasyp keledi. Biraq, sońǵy kezderi jaǵdaı ýshyqqan. «Kombınattyń eshkimniń aldynda qaryzy joq. Eki jylda bıýdjetke 780 mln teńge salyq tólengen. Bizde múldem qaryz bolǵan emes, kerisinshe aktsıonerlerdiń qaryzyn ótep berdik. Endi kelip, jumys istep turǵan kombınatty qoldan bankrot jasamaqshy», deıdi ol. Onyń sózinshe, kompanııa qyzmetkerlerin qorqytý, ónimderdi negizsiz tárkileý, kásiporyn jumysyna kedergi keltirý jıilep ketken. Máselen, sońǵy kezderi kombınatty elektr qýatynan ajyratyp tastaǵan. Sonyń kesirinen jumys toqtap, 400 jumysshy 2 aıdan beri jalaqy almaǵan. Tek keıin amalyn taýyp jaryqty qaıta qosyp alǵandaryn aıtady. Onyń ózinde ázirge 160 maman ǵana kombınatqa tartylǵan. Osyǵan baılanysty Obýhov taý-ken baıytý kombınatynyń qyzmetkerleri narazylyq bildirip, máselege memlekettik organdar mán berse degendi alǵa tartady.


Bizdiń kanalymyzǵa jazylyńyz:

Bólisińiz:
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT