SQO-da jyl basynan beri 1,7 myń balaǵa 50 mln teńgeniń áleýmettik paketi úlestirildi
2022 jylǵy 30 maýsym 14:33

SQO-da jyl basynan beri 1,7 myń balaǵa 50 mln teńgeniń áleýmettik paketi úlestirildi

PETROPAVL. QazAqparat – Soltústik Qazaqstan oblysynda byltyr ataýly áleýmettik kómek aıasynda 2,6 myńǵa jýyq balaǵa 114 mln teńgege jýyq somanyń áleýmettik paketi úlestirilse, bıyl jyl bastalǵannan beri osyndaı kómekti 1,7 myń bala aldy. Bul maqsatqa 50 mln teńgege jýyq qarajat jumsaldy, dep habarlaıdy QazAqparat tilshisi.

SQO jumyspen qamtýdy úılestirý jáne áleýmettik baǵdarlamalar basqarmasynyń málimetinshe, tabysy kedeılik sheginen tómen otbasylardy qoldaý jónindegi sharalar aıasynda olarǵa ataýly áleýmettik kómek kórsetiledi.

Byltyr osyndaı kómek 2470 az qamtylǵan otbasyna nemese 10 326 azamatqa kórsetildi, olarǵa 704,9 mln teńge tólendi. Bıyl mundaı kómekti 1561 otbasy nemese 6686 azamat 232,5 mln teńge somasynda aldy.

Ataýly áleýmettik kómek alýshylar qatarynda 1 jastan 6 jasqa deıingi balalar da bar. Olarǵa kepildendirilgen áleýmettik paket – azyq-túlik jáne turmystyq hımııa jıyntyǵy beriledi. Byltyr kómektiń osy túrimen 113,7 mln teńge somasyna 2596 bala qamtyldy. Bıyl 1748 balaǵa 49,7 mln teńgeniń paketteri berildi.

Múgedekterdiń áleýmettik qorǵalýy týraly QR Zańyna jáne aýdandar men Petropavl qalasy máslıhattarynyń sheshimderine sáıkes úıde oqıtyn múgedek balalarǵa áleýmettik kómek kórsetiledi. 2021 jyly 304 otbasynyń múmkindigi shekteýli 305 balasy 23,1 mln teńge aldy. Jyl basynan beri osy kómek túrimen 13,2 mln teńge somasyna 267 bala qamtyldy.

Budan basqa QR Úkimetiniń Qaýlysyna sáıkes muqtaj azamattardyń jekelegen sanattaryna jergilikti atqarýshy organdardyń sheshimi boıynsha mereke jáne ataýly kúnderge, sondaı-aq ómirlik qıyn jaǵdaıǵa tap bolǵanda áleýmettik kómek kórsetiledi. Byltyr osylaısha 669,9 mln teńge 19 676 adamǵa berildi. Bıylǵy 1 maýsymǵa deıin 13 342 azamatqa 398,4 mln teńge tólem júrgizildi.

Buǵan deıin óndiriste bolǵan jazataıym oqıǵalar boıynsha byltyr 17,7 mln teńgeniń materıaldyq tólemi jasalǵanyn aıtqan edik.


Uqsas jańalyqtar
Seriktester jańalyqtary

Jańalyqtar

Úrdis

MURAǴAT