+7 (701) 759 90 19 Lenta
USD 386.70 EUR 427.15
RUB 6.06 CNY 54.57
Jańalyqtar

SQO-da júrgizýshi kýáligi bolmasa da, kólik tizgindeıtinder sany artqan

2019 jylǵy 28 shilde 08:29
Bólisińiz:
SQO-da júrgizýshi kýáligi bolmasa da, kólik tizgindeıtinder sany artqan

PETROPAVL. QazAqparat – Soltústik Qazaqstan oblysynda kólik basqarý quqyǵynan aıyrylǵan, júrgizýshi kýáligi bolmasa da kólik tizgindeıtinder sany azaımaı otyr, dep habarlaıdy QazAqparat tilshisi.

Uqsas jańalyqtar
Bıyl 3 qalany jalǵaıtyn bes ýchaske paıdalanýǵa beriledi Qazaqstan jyl basynan beri 1 320 otandyq kólikti eksportqa shyǵardy Túrkistanda shaǵyn avtobýs terezesine beti jabysqan balaǵa qatysty ákim túsinik berdi

Soltústik Qazaqstan oblysynyń aýmaǵynda «Qaýipsiz jol» respýblıkalyq jedel-profılaktıkalyq is-sharasy ótip jatyr. Polıtsııa vedomstvosy baspasóz qyzmetiniń habarlaýynsha, bul joly basty nazar mas kúıde rýlge otyrǵan júrgizýshilerdi anyqtaýǵa aýdaryldy.

Tártip saqshylarynyń aıtýynsha, jaz mezgilinde kólikti spırttik ishimdik iship júrgizetinderdiń sany birshama ósedi. Mundaı jaǵdaılar kóbine qala syrtyndaǵy joldarda anyqtalyp jatady. Adamdar otbasy nemese joldastarymen jaǵajaıǵa, ormanǵa dem alýǵa shyǵady. Eldi mekennen tys jerde bir-eki urttam syranyń esh qaýpi bolmas dep oılaıdy. Alaıda jeńil masańdyqtyń ózi júrgizýshi sanasynyń tejelýine ákelip soǵady, apattyq jaǵdaıdyń qaýpin arttyrady, ıaǵnı jolǵa birge shyqqan jolaýshylardyń ómirlerine qaýip tóndiredi.

Esil aýdanynda medıtsınalyq kýálandyrý kezinde júrgizýshilerdiń birinen jeńil masańdyq anyqtaldy. Ol byltyr 3 tamyzda masań kúıde rýlge otyrǵany úshin basqarý quqyǵynan úsh jylǵa aıyrylǵan eken. Soǵan qaramastan, alty kúnnen keıin taǵy spırttik ishimdik iship alyp kólik júrgizgen ony patrýldik polıtseıler ustaǵan. Júrgizýshi kýáliginen aıyrý merzimi 6 jylǵa deıin uzartylǵan, odan basqa 100 saǵatqa qoǵamdyq jumysqa tartylǵan. Bir jylǵa jeter-jetpes merzim ishinde úshinshi ret ustalǵan ol endi qylmystyq jaýapkershilikke tartylady.

«Jedel-profılaktıkalyq is-sharany ótkizgen 2 kún ishinde masań kúıde kólik basqarýdyń 25 faktisi anyqtaldy. Sondaı-aq, buryn basqarý quqyǵynan aıyrylǵan 15 adamnyń jáne júrgizýshi kýáligi joq 32 adamnyń kólik tizginine otyrý faktisi tirkeldi. Bul - jol qozǵalysy erejelerin asa óreskel buzýshylyq sanyna jatady, olardy anyqtaý jáne aldyn alý turaqty túrde júrgiziledi», - deıdi SQO PD Jergilikti polıtsııa qyzmeti basqarmasynyń bastyǵy Aıdyn Baımatov.

Polıtseılerdiń aıtýynsha, eki kúnniń qorytyndysy boıynsha oblysta 1074 túrli jol-kólik oqıǵasy, onyń ishinde 122 jyldamdyqty asyrý, manevr jasaýda 26 buzýshylyq jáne baǵdarshamnyń qyzyl túsine ótýdiń 9 faktisi anyqtaldy.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT