SQO-da jolda qalǵan 23 tehnıka shyǵarylyp, 63 adam qutqaryldy

PETROPAVL. QazAqparat – Soltústik Qazaqstan oblysynda borannyń saldarynan birneshe kúnnen beri joldar jabyq. Eskertýge qaramastan jolǵa shyqqandardy arnaıy qyzmetter qutqaryp jatyr, dep habarlaıdy QazAqparat tilshisi.

Uqsas jańalyqtar

Qazaqstannyń 8 óńirinde aýa raıyna baılanysty eskertý jarııalandy

Qazaqstannyń 11 oblysynda boran soǵatyny eskertildi ShQO-da boran: «Almaty-Óskemen» tasjolynda kólik qozǵalysy shekteldi Qazgıdromet 16 qańtarda aýa raıy qandaı bolatynyn jarııalady

SQO Tótenshe jaǵdaılar departamenti baspasóz qyzmetiniń málimetinshe, boran týraly óńir halqyna aldyn ala eskertiledi. 508 myń adamǵa SMS habarlama jiberiledi, BAQ jáne «Dármen» mobıldi qosymshasy qoldanylady. Daýyldy eskertý jaıynda jergilikti bılik, kásiporyndar men uıymdardyń basshylaryna da eskertiledi.

22 qańtar kúni qolaısyz aýa raıynyń týýyna baılanysty jol apattarynyń aldyn alý maqsatynda SQO-da respýblıkalyq jáne oblystyq mańyzy bar alty baǵytqa avtojol jabyldy.

Alaıda mamandarǵa joldyń jabylǵanyna qaramastan jolǵa shyǵyp, qar keptelisinde qalǵandardy qutqarýǵa týra keldi. 63 adam, sonyń ishinde 8 bala jáne batyp qalǵan 23 tehnıka qar qursaýynan shyǵaryldy.

Apatty-qutqarý jumystaryna 7 tehnıka jáne 13 adam jumyldyryldy. Kómek der kezinde kelgendikten zardap shekkender, qaza tapqandar joq.