SQO-da jabylǵan esirtki saıttarynyń úshten biri turǵyndardyń kómegimen anyqtaldy

2022 jylǵy 3 qazan, 18:57
SQO-da jabylǵan esirtki saıttarynyń úshten biri turǵyndardyń kómegimen anyqtaldy

PETROPAVL. QazAqparat – Soltústik Qazaqstan oblysynda jyl basynan beri 167 esirtki saıty buǵattaldy, onyń úshten birin jabýǵa turǵyndar túrtki bolǵan, dep habarlaıdy QazAqparat tilshisi.

SQO polıtsııa departamenti baspasóz qyzmetiniń málimetinshe, óńir turǵyndary polıtseılermen birge nashaqorlyq jáne esirtki qylmysymen belsendi kúresip jatyr. Qazirgi zamanǵy tehnologııalar qylmyskerlerdiń de múmkindigin arttyra tústi, tyıym salynǵan taýardy ınternet arqyly satyp, olardy taratýshylardy da ǵalamtor arqyly jaldaýǵa bolady. Polıtsııa qyzmetkerleriniń bir mindeti - quqyqqa qaıshy kontentti anyqtaý, al ınternet-«dúkender», esirtki kýrerlerin jaldaý týraly habarlandyrýlar buǵattaý úshin birden ІІM-ge jiberiledi. Jyl basynan osylaısha 167 resýrs jumysyn toqtatty. Munda beı-jaı qaramaıtyn turǵyndardyń da úlesi bar.

«Kóbinese adamdar kúdik týdyrǵan siltemelerdi esirtki qylmysyna qarsy is-qımyl basqarmasynyń Instagram-daǵy akkaýntynyń direct-bólimine jiberedi. Bul áleýmettik jeli petropavldyqtar arasynda tanymal, halyqpen baılanystyń eń belsendi arnasy bolyp sanalady. Jaqynda sıntetıkalyq esirtki jasyrýshyny ustaýǵa kómektesken qala turǵyny marapattaldy. Qylmyskerdiń áreketin vıdeoǵa túsirip alǵan áıel jazbany kópshilikke jarııa etpeı, birden bizdiń akkaýntqa jiberdi. Tez arada jetken qyzmetkerler esirtki jasyrýshyny ustady», - deıdi SQO PD Esirtki qylmysyna qarsy is-qımyl basqarmasynyń bastyǵy Ivan Terzıdı.

Sondaı-aq, esirtki qylmysymen kúresýshiler Facebook, VKontakte áleýmettik jelilerinde belsendi aqparattyq jumys júrgizip jatyr. Jaqynda tanymal TikTok jelisinde de óz jumystaryn bastady. Barlyq jerde polıtsııamen baılanys bar. Sondaı-aq, esirtki quqyqbuzýshylyqtary týraly WhatsApp-taǵy +7-707-500-96-65 arqyly habarlaýǵa bolady. Aǵa býyn ókilderi úshin basqarmanyń kezekshi bóliminiń 8 (7152) 39-72-16 telefony nemese 8 (7152) 39-41-93 senim telefony jumys isteıdi.

SQO-da 9 aıdyń ishinde 174 esirtki quqyqbuzýshylyǵyn anyqtaldy, onyń ishinde 60-y ótkizý faktileri. Zańsyz aınalymnan 411,5 kg túrli esirtki zaty alyndy. Onyń 2,25 keliden astamy sıntetıkalyq esirtki.


Uqsas jańalyqtar
Seriktester jańalyqtary

Jańalyqtar