SQO-da zańsyz jalǵa berilgen jerge qatysty 16 aryz sotta qaralyp jatyr
2022 jylǵy 28 maýsym 16:42

SQO-da zańsyz jalǵa berilgen jerge qatysty 16 aryz sotta qaralyp jatyr

PETROPAVL. QazAqparat – Soltústik Qazaqstan oblysynda kezinde zańsyz berilgen jáne paıdalanylmaı jatqan jerler birtindep memleket menshigine qaıtarylyp jatyr, dep habarlaıdy QazAqparat tilshisi.

SQO-da jer máselesine qatysty óńirdiń vedomstvoaralyq kishi tobynyń kezekti otyrysy ótti.

Jıynda atqarylyp jatqan jumystarǵa esep berildi. Zańdy buza otyryp berilgen jáne paıdalanylmaı jatqan jerlerdi alyp qoıý jónindegi vedomstvoaralyq kishi top qazirgi moratorıı jaǵdaıynda da tapsyrmalardy iske asyrý maqsatynda jumys istep jatyr.

Jyl basynan beri aýyl sharýashylyǵy maqsatyndaǵy 140,2 myń ga alqap boıynsha 30 tekserý júrgizildi. Tekserý nátıjesinde 80 myń ga jerge qatysty 22 zańbuzýshylyq anyqtaldy.

Zańbuzýshylyqtardy joıý týraly 22 nusqama berildi, ol 20 ese ulǵaıtylǵan salyq mólsherlemesin qoldaný úshin SQO memlekettik kirister departamentine joldandy.

Jalpy júrgizilgen jumys óz nátıjesin berip jatyr.

Tek bıyl buǵan deıin zańsyz taratylǵan jáne bos jatqan 58,8 myń ga alqap aýyl sharýashylyǵy jerleri memlekettik menshikke qaıtaryldy.

Qazirgi ýaqytta óńirdiń sottarynda jerge qatysty 16 talap aryz qaralyp jatyr. Maqsat - el zańnamasyn buza otyryp jalǵa berilgen jalpy aýmaǵy 4,1 myń ga jer ýchaskesine qatysty sharttardy jaramsyz dep taný.

Buǵan deıin SQO-da ulttyq sport túrlerinen dástúrli festıvaldiń ótkenin aıtqan edik.

700 adam qatysqan sport merekesi Shal aqyn aýdanynda ótip, alań ıeleri jalpykomandalyq esepte jarys jeńimpazy atandy .

Sondaı-aq oblystyq densaýlyq saqtaý basqarmasynyń basshysy Nurlan Aımanov basqa qyzmetke aýysýyna baılanysty laýazymynan ketti.


Seriktester jańalyqtary

Jańalyqtar

Úrdis

MURAǴAT