+7 (701) 759 90 19
USD 389.62 EUR 429.98
RUB 6.06 CNY 55.08
Jańalyqtar

SQO-da úzdik taýar óndirýshiler anyqtaldy

2019 jylǵy 7 shilde 01:53
Bólisińiz:
SQO-da úzdik taýar óndirýshiler anyqtaldy

PETROPAVL. QazAqparat - Soltústik Qazaqstan oblysynda Astana kúnine oraılastyrylyp, «Qazaqstannyń úzdik taýary» kórme-baıqaýynyń aımaqtyq kezeńi ótti, dep habarlaıdy QazAqparat tilshisi.

SQO Kásipkerler palatasy baspasóz qyzmetiniń habarlaýynsha, bıyl dástúrli sharaǵa óńirdiń 60 kásipkeri qatysýǵa nıet bildirgen. Olardyń ishinde tanymal brend retinde qalyptasyp, naryqtan oıyp oryn alǵan kompanııalarmen qatar isin jańa bastap, bızneske endi kelgen kásiporyndar da bar. Solardyń biri - «Stroı sever-blok» JShS. Jaqynda ǵana ashylǵan kásiporyn óz ónimin kórermen nazaryna usyndy.

«Bizdiń negizgi ónimimiz «arbolıt» dep atalady. Qurylysta qoldanylady. Zamanaýı gaz-kóbik bloktary sııaqty bolǵanymen, onyń quramynyń 85% qaraǵaı jońqasynan turady. Sol sebepti ekologııalyq ónim dep aıtýǵa bolady. Bizdiń kásiporyn qaldyqsyz jumys isteıdi, arbolıtten qalǵan ilespe materıaldardy topyraqtyń sapasyn arttyrý úshin jáne landshaft dızaınyn jasaý úshin saıajaılarda qoldanýǵa bolady», - deıdi kompanııa dırektory Vladımır Petrenko.

Óz ónimin «Art stroı» kásiporny da kórme-baıqaýǵa ákelipti. Temirden soǵylǵan buıymdardan basqa munda jeldetkish qurylymdar da daıyndaıdy. Petropavldaǵy qazirgi turǵyn úı keshenderinde negizinen osyndaı júıeni qoldanady.

«Biz mundaı ónim shyǵarýdy 2007 jyly qolǵa aldyq. Qazir oblystan basqa Nur-Sultan qalasymen, elimizdiń ózge óńirlerimen jumys isteımiz. Biz jeldetkishterdi túrli qalypqa keltirip istep, keıin ony ózimiz ornatamyz», - deıdi «Art stroı» JShS bólimshesiniń jetekshisi Vıtalıı Zolotarev.

Ǵ.Músirepov aýdanynan kelgen Evgenııa Marınıchtiń ónimi ásirese, jas analardyń qyzyǵýshylyǵyn týdyrdy. Kitap tigetin jas kásipker týraly biz buǵan deıin jazǵan bolatynbyz. «Bastaý» baǵdarlamasynyń sharapatyn kórgen kásipkerdiń búginde óz tutynýshylary qalyptasyp úlgeripti.


null

«Men byltyr «Bastaý» jobasyna qatysyp, arnaıy kýrstan óttim. Grantqa kásibime qajet kerek-jaraq qondyrǵylardy aldym. Qazir men týǵannan 10 jasqa deıingi balalarǵa túrli damytý quraldaryn jasaımyn. Meniń kitaptarym arqyly olar qorshaǵan ortamen tanysady, salt-dástúrden habardar bolady. Aýyldastarym satyp alady. Reseı, Estonııa men Polshadan habarlasyp, tapsyrys bergender boldy», - deıdi Evgenııa Marınıch.

Kórme-baıqaýǵa qoıylǵan ónimmen oblys ákiminiń birinshi orynbasary Marat Tasmaǵanbetov tanysty. Turǵyndar men qala qonaqtary da ózderine unaǵan buıymdaryn arzan baǵaǵa satyp alýǵa múmkindik aldy. Bul kúni oblystyq Kásipkerler palatasynyń uıymdastyrýymen lotoreıa da oınatyldy. Joly bolǵandarǵa jergilikti kásiporyndardyń ónimderi tegin úlestirildi.


null

«Qazaqstannyń úzdik taýary» kórme-baıqaýynyń óńirlik kezeńiniń «Óndiristik baǵyttaǵy úzdik taýar» nomınatsııasynda «Izolıt» JShS, «S.M.Kırov atyndaǵy zaýyt» AQ jáne «Straj» JShS jeńimpaz atandy. Al «Turǵyndarǵa arnalǵan úzdik taýarlar» nomınatsııasynda «MATEH» JShS, «Mektep jáne balalar kıimi tigin fabrıkasy» JShS jáne «Levın» JK tańdalyp alyndy. Úzdik azyq-túlik taýaryn «Rım-KazAgro» JShS, «Kazmıasoprodýkt» JShS jáne «Paseka semı Pılıpýshko» komandıttik sharýashylyǵy shyǵarady dep tanyldy.

Bul kásiporyndar kúz aıynda Nur-Sultan qalasynda ótetin respýblıkalyq baıqaýǵa qatysatyn bolady.


null

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Erbol Janat
Erbol Janat
954-059

MURAǴAT