+7 (701) 759 90 19
USD 447.60 EUR 489.41
RUB 5.71 CNY 63.05
Jańalyqtar

SQO-da uıymdasqan qylmystyq toptan jalǵan 68 myń eýro tárkilendi

2020 jylǵy 29 aqpan 10:57
Bólisińiz:
SQO-da uıymdasqan qylmystyq toptan jalǵan 68 myń eýro tárkilendi

PETROPAVL. QazAqparat - Soltústik Qazaqstan oblysynda birneshe eldiń azamattarynan quralǵan uıymdastqan qylmystyq top anyqtaldy. Olar Qazaqstanǵa 68 myń eýro bolatyn jalǵan banknota ákelgen, dep habarlaıdy QazAqparat Qarjy monıtorıngi komıtetiniń baspasóz qyzmetine silteme jasap.

QR QM Qarjy monıtorıngi komıtetiniń Soltústik Qazaqstan oblysy boıynsha Ekonomıkalyq tergeý departamenti Qazaqstan Respýblıkasy aýmaǵyna 500 eýro qunyndaǵy jalǵan qaǵaz aqsha jetkizetin kanaldyń jolyn kesti.

«Komıtettiń SQO Ekonomıkalyq tergeý departamenti qyzmetkerleri júrgizgen jedel-tergeý is-sharalarynyń nátıjesinde jalǵan aqsha ótkizýmen aınalysqan bir top tulǵa áshkerelendi. Uıymdasqan qylmystyq top Qazaqstan, Reseı Federatsııasy jáne Grýzııa azamattarynan quralǵan. Qańtar aıynda RF azamatyna elimizdiń aýmaǵynda ári qaraı taratý úshin 100 000 eýro somasyndaǵy jalǵan aqsha qarajatynyń berilgeni anyqtaldy», delingen habarlamada.

Odan 2 000 000 teńge, 30 000 reseılik rýbl qolma-qol aqsha jáne jalpy somasy 68 000 eýro 136 jalǵan 500 eýro nomınalyndaǵy aqsha tárkilendi.

«Búgingi tańda Petropavl qalasynyń Arnaıy tergeý sotynyń qaýlysymen QR QPK 147-babyna sáıkes kúdikti tulǵalar qamaýǵa alyndy. Bul fakti boıynsha QR QK 231-babynyń 2- bóligi, 1-tarmaǵy (múlikti tárkileýmen 5 jyldan 10 jylǵa deıin bas bostandyǵynan aıyrý jazasy), 264-babynyń 1-bóligi (10 jyldan 15 jylǵa deıin bas bostandyǵynan aıyrý jazasy) sáıkes sotqa deıingi tergeý isi tirkeldi», delingen habarlamada.

Aıta keterligi, sońǵy eki jylda Qazaqstanǵa jalǵan banknota ótkizýdiń 18 faktisi anyqtalǵan jáne jalpy somasy 266 500 eýro (110 mln teńgeden astam soma) quraıtyn 500 eýro nomınalyndaǵy 533 qaǵaz aqsha tárkilendi.

QR QM Qarjy monıtorıngi komıteti abaı bolyp, valıýtany bankterde chek talap ete otyryp, aıyrbastaýdy usynady. Mamandar jalǵan aqsha jasaýshylarǵa aldanyp qalmas úshin 500 eýro nomınalyndaǵy jalǵan qaǵaz aqshany tanyp bilýdiń eń qarapaıym erejesin este saqtaýdy usynady.


Bizdiń kanalymyzǵa jazylyńyz:

Bólisińiz:

Avtor:

Jánibek Amangeldi

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT