+7 (701) 759 90 19
USD 420.32 EUR 509.34
RUB 5.7 CNY 64.85
Jańalyqtar

SQO-da Ulttyq tabıǵı park dırektoryna 23 mln teńge aıyppul salyndy

2020 jylǵy 28 qarasha 01:33
Bólisińiz:
SQO-da Ulttyq tabıǵı park dırektoryna 23 mln teńge aıyppul salyndy

PETROPAVL. QazAqparat – Soltústik Qazaqstan oblysynda laýazymdy ókilettigin asyra paıdalanǵan «Kókshetaý» ulttyq tabıǵı parki Aryqbalyq fılıalynyń dırektoryna 23 mıllıonnan astam teńge aıyppul salyndy, dep habarlaıdy QazAqparat tilshisi.

Uqsas jańalyqtar
«Adaldyq alany» jobasy 2020 jyldy qorytyndylady «Qazgıdromet»: SQO-da aýa raıyna baılanysty eskertý jarııalandy Almatyda basqarma basshylarynyń biri ustaldy

SQO Sybaılas jemqorlyqpen kúres qyzmetiniń basshysy Ernar Baıanǵazın «Antıkor ortalyǵy» servıstik ortalyǵynyń alańynda «Kókshetaý» ulttyq tabıǵı parki respýblıkalyq memlekettik mekemesiniń Aryqbalyq fılıalynyń dırektory Leonıd Larıonovtyń qylmystyq isi jaıynda aıtty.

SQO Aıyrtaý aýdandyq sotynyń úkimimen «Kókshetaý» ulttyq tabıǵı parki Aryqbalyq fılıalynyń dırektory birneshe ret para alý, bılik pen laýazymdyq ókiletin asyra paıdalaný, laýazymdy adamǵa zańsyz ań aýlatý jáne para berý faktileri boıynsha kináli dep tanyldy.

«Oǵan paranyń 35 eselengen somasy mólsherinde aıyppul salyndy, bul - 23,4 mln teńge. Sondaı-aq fılıal dırektory 3 jyl merzimge ań aýlaýǵa baılanysty qyzmetpen aınalysý quqyǵynan aıyryldy. Memlekettik qyzmette jáne memlekettik uıymdarda, kvazımemlekettik sektor sýbektilerinde basshylyq qyzmetterdi atqara almaıdy», - dedi Ernar Baıanǵazın.

Departament basshysynyń aıtýynsha, 2020 jyldyń maýsym aıynda fılıal dırektory aǵash kesýge ruqsat berip, sol úshin aǵash daıyndaýshylardan birneshe ret para alǵan. Budan basqa park aýmaǵynan qýraǵan aǵash pen súrekterdi shyǵarýǵa ruqsat bergeni úshin fılıal ormanshysynan da para alǵan.

«2020 jyldyń shildesinde óziniń qyzmettik ókiletin asyra paıdalanyp, fılıal qoryqshysyna park aýmaǵynda ań atýǵa tyıym salynǵanyna qaramastan, elik atýǵa ádeıi zańsyz nusqaý berdi. Budan keıin L. Larıonov elik etin jáne «Pelıad» balyǵy salynǵan eki paketti fılıal jumysyna tekseris júrgize kelgen SQO Orman sharýashylyǵy jáne janýarlar dúnıesi aýmaqtyq ınspektsııasynyń bólim basshysyna para retinde beredi. Kúdikti ózine taǵylǵan aıyp boıynsha kinásin tolyq moıyndap, jasaǵan isine ókindi», - dedi vedomstvo basshysy.

Sybaılas jemqorlyqpen kúres qyzmeti jeń ushynan jalǵasqan sybaılastyqqa jol bergeni jáne durys baqylaýdy uıymdastyra bilmegeni úshin sottalýshynyń tikeleı basshysyn qatań tártiptik jaýapqa tartý máselesin qarastyrýdy usyndy.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT