+7 (701) 759 90 19
USD 388.70 EUR 428.70
RUB 6.08 CNY 55.46
Jańalyqtar

SQO-da «Ulpan» bıznes aımaǵy» dıalog alańy quryldy

2019 jylǵy 16 qazan 11:56
Bólisińiz:
SQO-da «Ulpan» bıznes aımaǵy» dıalog alańy quryldy

PETROPAVL. QazAqparat – Petropavlda ótken Aýyl áıelderi forýmy aıasynda «ULPAN» bıznes aımaǵy» dıalog alańy quryldy, dep habarlaıdy QazAqparat tilshisi.

Uqsas jańalyqtar
Almatyda 800-den astam jas startapshy óz jobalaryn usyndy «Bıznestiń jol kartasy – 2025» baǵdarlamasyn iske asyrýǵa 421 mlrd teńge baǵyttalady «Bıznestiń jol kartasy - 2025» baǵdarlamasy qarashada qabyldanady

Soltústik Qazaqstan oblysyndaǵy Kásipkerler palatasy baspasóz qyzmetiniń málimetinshe, «Ulpan» bıznes aımaǵy» dıalog alańy kásipker áıelderdiń bastamasymen ashylyp otyr. Bul jerde isin jańa bastaǵan nemese osy salaǵa bet burǵan jastar aqyl-keńes alady.

Jańa ortalyq «Altyn Orda» meımanhana-meıramhana kesheninde jumys isteıdi. Ashylý saltanatyna oblys ákiminiń orynbasary Rýslan Álishev jáne «Jasyl ekonomıkany qoldaý men G-Global-dy damytý koalıtsııasynyń» basqarma tóraǵasy Saltanat Raqymbekova qatysty.

«Baılanys ortalyǵy bar dıalog alańy qajet. Bul jerde jas kásipkerler, kásipker-áıelder ózderine qajetti aqparatty alady, tájirıbe almasady, salaǵa qatysty sońǵy jańalyqtarmen bólisedi. Óte qajet bastama. Ortalyqtyń ashylýy Halyqaralyq aýyl áıelderi kúnine tuspa-tus keldi», - deıdi aımaqtyq Aýyl áıelderi forýmyna arnaıy kelgen Saltanat Raqymbekova.

Ortalyqta qonaqtar nazaryna oblystyq kásipkerler palatasy janyndaǵy isker áıelder keńesiniń músheleri óz ónimderin usyndy. Dınara Ómirzaqova gımnastarǵa arnalǵan sport kıimderin tigetin jalǵyz kásipker. Álııa Básheevanyń qolynan shyqqan mektep formalary óńirde ǵana emes, astanada da suranysqa ıe. Gúlshat Shákirova kórmege shóp qosyndylarynan jasaǵan sabyndy jáne «Analıt» atty zararsyzdandyrý quralyn qoıdy.


Al Aýyl áıelderiniń forýmynda jınalǵandar kúndelikti turmysta kezdesetin máselelerdi talqyǵa saldy.

«Qazaqstannyń ekonomıkalyq saıasatynyń basym baǵyttarynyń biri – aýyldardy damytý. Al eldi mekenderdegi negizgi másele – aýyl turǵyndary tabysynyń tómendigi. Osyndaı bas qosýlarda aýyl ákimderi, mektep dırektorlary, sharýashylyqtardyń basshylary jáne kásipker áıelder jınalyp, tájirıbe almasýǵa, kásibı baılanys ornatýǵa múmkindik alady. Al jańa ashylǵan dıalogtik alań tıimdi jumys istep, óńir ekonomıkasyna úles qosatyn aýyl áıelderiniń sanyn arttyrady dep senemin», - dedi forýmdy ashqan Saltanat Raqymbekova.

Statıstıkalyq málimetke súıensek, qazir elimizde aýyldarda 7,7 mln adam, ıaǵnı turǵyndardyń 45,1% aýylda turady. Olardyń basym bóligi ózin-ózi jumyspen qamtyp otyr. SQO-da eńbekke jaramdy 300 myń adam bolsa, ár onynshy soltústikqazaqstandyq bıznespen aınalysady. 30 myń kásipkerdiń 44% - áıelder bolsa, olardyń 7 myńy aýylda óz bıznesterin dóńgeletip jatyr.

Aýyl áıelderiniń respýblıkalyq forýmy byltyr astanada ótti. Bıyl shilde aıynan bastap mundaı jıyndar barlyq óńirlerde uıymdastyrylyp jatyr. Soltústik Qazaqstan oblysy forým ótken 12-shi óńir. Al qarasha aıynda belsendi qyz-kelinshekter Nur-Sultan qalasynda, Ekinshi respýblıkalyq Aýyl áıelderiniń forýmynda kezdesedi.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Bakytjan Erbasov
Bakytjan Erbasov
954-059
REDAKTOR
Janıbek Amangeldı
Janıbek Amangeldı
954-059

MURAǴAT