+7 (701) 759 90 19
USD 425.75 EUR 499.32
RUB 5.85 CNY 65.88
Jańalyqtar

SQO-da toı-tomalaq tyıylmaǵan jaǵdaıda demalys kúnderine lokdaýn engizilmek

2021 jylǵy 28 shilde 20:15
Bólisińiz:
SQO-da toı-tomalaq tyıylmaǵan jaǵdaıda demalys kúnderine lokdaýn engizilmek

PETROPAVL. QazAqparat – Soltústik Qazaqstan oblysynda sońǵy aptada koronavırýspen aýyrǵandar sany 1,3 ese artqan, syrqattanǵandardyń jartysyna jýyǵy Petropavlǵa tıesili, dep habarlaıdy QazAqparat tilshisi.

Uqsas jańalyqtar
SQO-da Covid-19 ınfektsııasyn juqtyrý 12 paıyzǵa tómendedi Pavlodarda bes jasar baladan COVID-19-dyń nıgerııalyq shtamy tabyldy Qazaqstandyq QAZVAC vaktsınasy «Delta» shtamynan tıimdi qorǵaıdy - zertteý

SQO óńirlik kommýnıkatsııalar qyzmetinde aımaqta koronavırýs taralýy boıynsha aǵymdaǵy jaǵdaı týraly brıfıng ótti.

SQO sanıtarııalyq-epıdemıologııalyq baqylaý departamenti basshysy Áset Jumataevtyń aıtýynsha, keshe oblysta KVI juqtyrýǵa qatysty 134 jaǵdaı tirkelgen. Onyń 120-synda aýrý belgisi bolǵan.

«48-i Petropavlda, 17-si Qyzyljar aýdanynda, Aıyrtaý jáne Shal aqyn aýdandarynda 11 jaǵdaıdan, Jambyl aýdanynda - 10, M.Jumabaev aýdanynda - 8, Aqjar jáne Esil aýdandarynda – 7 jaǵdaıdan, 4 jaǵdaı Aqqaıyń aýdanynda, Taıynsha jáne Ǵ.Músirepov atyndaǵy aýdanda - 3, 2 jaǵdaıdan Sh.Ýálıhanov jáne Tımırıazev aýdandarynda jáne 1 jaǵdaı Mamlıýt aýdanynda tirkeldi. Jalpy sońǵy aptada syrqattaný 656-dan 882-ge deıin 1,3 esege ósti», - deıdi Áset Jumataev.

Oblystyń bas sanıtar dárigeriniń aıtýynsha, óńirde epıdemıologııalyq jaǵdaı osy qalpymen ketken jaǵdaıda koronavırýspen aýyrýdyń sharyqtaý shegi tamyz aıynyń ortasy men sońyna kelmek.

«Elimizdiń birneshe óńiri karantın shekteýin kúsheıtip, demalys kúnderine lokdaýn engizip jatyr. Biz de sol qadamǵa barýǵa májbúr bolamyz. Halyq jaǵdaıdyń ýshyǵyp bara jatqanyn áli de túsiner emes. Oblystaǵy meıramhanalar men dámhanalarǵa telefonmen habarlastyq, senbi-jeksenbige bireýi de bos emes. Bas memlekettik sanıtar dárigerdiń qaýlysyna sáıkes elimizde janazadan basqa (onyń ózinde shekteýli adammen ǵana) is-sharalardy ótkizýge tyıym salynǵan», - deıdi SQO ákiminiń orynbasary Asqar Saqypkereev.

SQO-da monıtorıng toptary ótken demalystan bastap jańa algorıtmmen jumysqa kiristi. Talapty buzǵandarǵa jaza kúsheıtilmek.

«Ruqsatsyz toı-tomalaq ótkizip jatqandardyń isin sotqa beremiz. Talapty buzǵan nysandardyń jumysyn toqtatamyz. Sol sebepti turǵyndardy eskertkimiz keledi, bosqa shyǵyndalýdyń qajeti joq. Anyqtalǵan jaǵdaıda barlyq daıyndyqtaryńyz dalaǵa ketedi», - deıdi oblystyń bas sanıtar dárigeri.

Qazir óńirde keı eldi mekenderdi karantınge jabý máselesi qarastyrylyp jatyr.

«Qazir eldi mekender boıynsha aýyrǵandar sanyn anyqtap jatyrmyz. Buǵan deıin qoldanylǵan tájirıbeni qaıta engizetin bolamyz. ıAǵnı, turǵyndar kóp aýyrǵan aýyldarda júrip-turý shekteledi. Bul óz nátıjesin beredi», - deıdi SQO ákiminiń orynbasary Asqar Saqypkereev.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Aıdar Ospanalıev
Aıdar Ospanalıev
954-059

MURAǴAT