+7 (701) 759 90 19
USD 412.55 EUR 465.73
RUB 5.79 CNY 58.91
Jańalyqtar

SQO-da tórt kún ishinde ınternet alaıaqtyqqa qatysty 13 qylmys ashyldy

2020 jylǵy 22 aqpan 09:35
Bólisińiz:
SQO-da tórt kún ishinde ınternet alaıaqtyqqa qatysty 13 qylmys ashyldy

PETROPAVL. QazAqparat – Soltústik Qazaqstan oblysynda tártip saqshylary tórt kúnge shaqtalǵan jedel-profılaktıkalyq is-sharany qorytyndylady, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, óńir polıtseıleri Almatyǵa issapar barysynda eki is boıynsha kúdiktilerdi ustady.

Qylmystyń biri ótken jyly jasalǵan. Oblys turǵyny Instagram arqyly sport jarysnyń birinde kim jeńetindigi jóninde «naqty boljam» almaq bolyp, belgisiz bireýge 75 myń teńge aýdarǵan. Aqsha túsisimen-aq ol habarlandyrýdy joıyp, uıaly telefonyn óshirip tastaǵan. Osy qylmysty jasady degen kúdikpen 25 jastaǵy almatylyq boıjetken ustaldy. Almatynyń taǵy bir 39 jastaǵy turǵyny «Mercedes» avtokóligin satamyn» dep habarlandyrý berip, petropavldyqtyń 500 myń teńgesin ıemdenip ketken. Qazir eki kúdiktiniń basqa da qylmystarǵa qatystylyǵy tekserilip jatyr. Olar jábirlenýshilerdiń aqshasyn qaıtardy.

«Internet alaıaqtardy ustaý úshin kóp jaǵdaıda elimizdiń ózge óńirlerine issaparǵa shyǵamyz. Internettegi habarlandyrýǵa, ásirese satýshy aldyn ala tólem surasa saqtyqpen qaraý kerek. Sondaı-aq jeke basqa tıesili málimetpen bólispegen jón. Eshkimge qujattyń sýretin jibermeýge keńes beremiz. Alaıaqtar bul málimetterdi paıdalanyp, sizdiń atyńyzǵa nesıe resimdeýi nemese esepshottaǵy aqshańyzdy jymqyrýy múmkin», - deıdi SQO PD Krımınaldy polıtsııa basqarmasynyń bastyǵy Petr Klımov.

Tártip saqshylary uıaly telefondy qaraýsyz qaldyrmaýdy eskertedi. Tımırıazev aýdanynyń turǵyny telefonyn aqtaryp otyryp, BeeLine servısindegi onyń jeke kabınetine sms-habarlamamen kelgen kod arqyly bireýdiń kirgenin baıqaǵan. Birden polıtsııaǵa habarlasqan. Tártip saqshylary tergeý barysynda kúdiktini anyqtady. 33 jastaǵy aýyldasy osylaısha qurbysynyń qaıda, kimderge telefon soǵatynyn teksermek bolypty.

Jedel-aldyn alý operatsııasy ótken tórt kúnniń ishinde polıtseıler buǵan deıin jasalǵan alaıaqtyqqa qatysty 13 qylmysty ashty.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT