+7 (701) 759 90 19
USD 383.95 EUR 429.26
RUB 6.16 CNY 55.02
Jańalyqtar

SQO-da suıytylǵan tabıǵı gaz tasymaldaıtyn avtopark ashyldy

2019 jylǵy 20 qarasha 16:58
Bólisińiz:
SQO-da suıytylǵan tabıǵı gaz tasymaldaıtyn avtopark ashyldy

PETROPAVL. QazAqparat – Soltústik Qazaqstan oblysynda Global Gas Group respýblıkalyq energetıkalyq jobasy boıynsha soltústik óńirlerge suıytylǵan gaz tasymaldaıtyn avtopark ashyldy, dep habarlaıdy QazAqparat tilshisi.

Uqsas jańalyqtar
Altaı Kólginov elordanyń qaı turǵyn úı alabyna eń birinshi gaz beriletinin aıtty SQO-da alǵashqy aýylǵa kógildir otyn keldi Elordada turǵyn úı keshenine 17 saǵat gaz berilmegen

«Soltústik shyǵys kólik kompanııasynyń» (SShKK) jańa avtoparki Petropavl qalasynda ornalasqan. Avtokolonnanyń negizin magıstraldyq tehnıka 10 Volvo aýyr júk tasymaldaıtyn kóligi quramaq. Bul kompanııanyń ár kóliginde suıytylǵan tabıǵı gaz sekildi arnaıy júkti tasymaldaýǵa halyqaralyq ruqsaty bar.

Global Gas Group – suıytylǵan tabıǵı gazben aınalysatyn qazaqstandyq kompanııalardyń toby. Elimizde 2015 jyldan beri jumys istep jatyr. Maqsaty – respýblıkanyń magıstraldy gaz qubyry joq aýmaqtaryn suıyq otynmen qamtý. 36 aıdyń ishinde kompanııa 17 myń tonna suıytylǵan tabıǵı gazben qamtyǵan. Ol qoldanystaǵy gazdyń 25 mln tekshe metrine teń.

«Respýblıkanyń soltústigin gazben qamtý josparyn júzege asyrý barysynda biz metannyń ár bızneske qoljetimdi bolýy úshin jumys istep jatyrmyz. Ekonomıkalyq tıimdilikti arttyrý úshin ońtaıly marshrýttardy qarastyrýǵa týra keldi. Sol sebepti bıyl biz «Soltústik Shyǵys Kólik kompanııasymen» birge Petropavlda ortaq jobany iske qosyp jatyrmyz. Bul biz úshin yńǵaıly, óıtkeni ol - elimizdegi halyqaralyq ruqsaty bar sanaýly kompanııalardyń biri», - dedi «Global Gas Regazification» dırektory Panaet Saýlıdı.

Mamandardyń aıtýynsha, suıytylǵan tabıǵı gaz metan gazyn mınýs 162 gradýsqa deıin sýytý barysynda alynady. Keıin ol arnaıy stansalarda regazıfıkatsııadan ótip, kádimgi qoldanystaǵy gazǵa aınalady.

«Qazir biz birinshi kezekte bilikti júrgizýshilerdiń shtatyn jasaqtaýymyz qajet. Qyzmetkerlerimizge laıyqty eńbekaqy jáne turaqty jumys usynamyz. Budan basqa jergilikti bılikke atap aıtqanda, oblystyń jáne qalanyń ákimdigine Petropavl qalasynda bıznesti uıymdastyrý kezinde kadrlyq máselelerdi sheshýge kómekteskeni úshin alǵysymdy bildiremin. Óńirdi strategııalyq damytýda ákimdiktiń qoldaýyna súıene otyryp, kóliktik habty qurýda negizgi máselelerdi ózara túsinistik nátıjesinde tez arada sheshý múmkin bolǵanyn atap ótkim keledi», - dedi SShKK dırektordyń orynbasary Oleg Seksenbaev.

Búgin Petropavldan jańa avtoparktiń alǵashqy reısi jolǵa shyqty. Ol ýche qalasy arqyly Nur-Sultan qalasyna jetip, keıin RF Ekaterınbýrg qalasyna jol tartady. 2020 jyly osylaısha 1 075 reıs jasalmaqshy. Al 2021 jyly reısterdiń sany 4 000-ǵa jetkizilmek. Óıtkeni marshrýtqa Pavlodar oblysyn qosý josparlanǵan.

Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Jarylqasyn Saıagúl
Jarylqasyn Saıagúl
954-059
REDAKTOR
Janat Qapalbaeva
Janat Qapalbaeva
954-059

MURAǴAT