+7 (701) 759 90 19
USD 412.55 EUR 468.66
RUB 5.79 CNY 58.80
Jańalyqtar

SQO-da suranysqa ıe dári-dármektiń 41 túri baqylaýǵa alyndy

2020 jylǵy 8 shilde 14:31
Bólisińiz:
SQO-da suranysqa ıe dári-dármektiń 41 túri baqylaýǵa alyndy

PETROPAVL. QazAqparat – Soltústik Qazaqstan oblysynyń ákimi Qumar Aqsaqalov búgin ótken onlaın brıfıng barysynda dári-dármekke qatysty máselelerge toqtaldy, dep habarlaıdy QazAqparat tilshisi.

Óńir basshysynyń aıtýynsha, dári-dármek jetispeýshiligi, suranysqa ıe preparattar baǵasynyń negizsiz qymbattaý máselesi erekshe baqylaýǵa alynǵan. Ony ákimdik qana emes, kúsh qurylymdary da nazarda ustap otyr. Oblysta monıtorıngilik toptar quryldy. Vırýstyq aýrýlar men pnevmonııanyń órshýine baılanysty suranysqa ıe 41 túrli dári-dármek baqylaýǵa alyndy.

«Monıtorıngilik toptar dárihanalardy únemi tekserip otyr. Sondaı-aq Play Market arqyly Dari.kz mobıldik qosymshasyna kirip, tutynýshy dárihanadaǵy preparat baǵasy Densaýlyq saqtaý mınıstrliginiń buıryǵymen bekitilgen baǵaǵa saı kele me, joq pa – teksere alady. Biraq, mınıstrlik dári-dármektiń keı túrlerine ǵana bekitilgen baǵa usyndy. Sol sebepti monıtorıngilik toptar jaǵdaıdy baqylaýda ustaýy kerek», - dedi Qumar Aqsaqalov.

Memleket basshysynyń tapsyrmasymen quqyq qorǵaý organdary alypsatarlyqpen aınalysyp júrgenderdi anyqtaı bastady. Tekserýler SQO-da júrip jatyr.

«Búginde dárihanalarda ystyq túsiretin, qabynýǵa, vırýstarǵa jáne bakterııalarǵa qarsy preparattardyń balamalary tolyp tur. Statsıonarlarda da qajetti dári-dármek jetkilikti. «SK-Farmatsııamen» jumys jaqsy jolǵa qoıylǵan, endi olarmen preparattardy aldyn ala jetkizip turý boıynsha jumystar júrgizilip jatyr», - dedi SQO ákimi.

Qumar Aqsaqalov brıfıng barysynda medıtsınalyq qondyrǵylardyń jetispeýshiligi máselesine de toqtalǵan edi.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Janıbek Amangeldı
Janıbek Amangeldı
954-059
REDAKTOR
Jarylqasyn Saıagúl
Jarylqasyn Saıagúl
954-059

MURAǴAT