SQO-da sýarmaly jerler 5 myń gektarǵa deıin ulǵaıtylmaq
2021 jylǵy 29 qarasha 14:17

SQO-da sýarmaly jerler 5 myń gektarǵa deıin ulǵaıtylmaq

PETROPAVL. QazAqparat – Soltústik Qazaqstan oblysynda qazirgi ýaqytta sýarmaly jerler 1,9 myń ga jýyq bolsa, birer jylda onyń kólemi 5 myń ga deıin ulǵaıtylmaqshy, dep habarlaıdy QazAqparat tilshisi.

SQO ákimi baspasóz qyzmetiniń málimetinshe, eldiń agroónerkásiptik keshenin damytý ulttyq jobasyna sáıkes óńir boıynsha sýarmaly jerlerdi bes myń ga-ǵa deıin ulǵaıtý josparlanǵan. Qazir ol 1 860 ga quraıdy. Olardyń shamamen 70 %-y osy maqsatqa qoldanatyn ózen-kólder bolmasa da Taıynsha aýdanynda ornalasqan.

Sýarmaly egistikti qoldanyp júrgenderdiń biri – «Astyq Stem» JShS sharýashylyǵy. 2010-shy jyly agroqurylymnyń nebary 20 ga sýarmaly jeri bar edi, qazir ol 670 ga jetti. Sharýashylyq aldaǵy jyldary sýarmaly jerlerdiń kólemin myń gektarǵa deıin jetkizýdi josparlaǵan.

«Tipti qurǵaq jyldary da sýarý arqyly kókónister men kartoptan jaqsy ónim alýǵa bolady. Kókónisimiz eldiń barlyq derlik aımaqtarynda satylyp keledi. Sýarý tehnologııalaryn biz jemshóp óndirisinde de qoldanamyz. Nátıjesinde mal azyǵy sapaly, shyryndy bolyp, jaqsy nátıje beredi», - deıdi sharýashylyq basshysy Sergeı Zvolskıı.

Oblystyq ákimdik otyrysynda sýarmaly egistik alqabyn arttyrý máselesi aıtyldy. Imanburlyq kanalyn qalypqa keltirgen jaǵdaıda sharýashylyqtardyń 10 myń ga alqabyna sýarý tehnologııasyn qoldanýǵa bolady. Al «Bıznestiń jol kartasy» baǵdarlamasy boıynsha ýchaskelerdiń shekarasyna deıin ınjenerlik kommýnıkatsııalardy, elektr berý, sý qubyryn tartýǵa múmkindik bar.


Seriktester jańalyqtary

Jańalyqtar

Úrdis

MURAǴAT