+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

SQO-da sý basý qaýpi bar 41 eldi meken baqylaýǵa alyndy

2020 jylǵy 31 naýryz 19:31
Bólisińiz:
SQO-da sý basý qaýpi bar 41 eldi meken baqylaýǵa alyndy

PETROPAVL. QazAqparat – Soltústik Qazaqstan oblysy ákimdiginiń otyrysynda óńirdiń sý tasqynyna ázirligi pysyqtaldy, dep habarlaıdy QazAqparat tilshisi.

Oblystyq mobıldi daıyndyq jáne azamattyq qorǵaý basqarmasynyń basshysy Nurlan Búrkitalın óńirdegi jaǵdaı jáne atqarylǵan jumystar jaıynda esep berdi. Bıyl oblysta qardyń erte erýi, kúndiz jyly, keshke jerdiń qatýy – kóktemgi sý tasqyny qaýpin azaıtty. Nátıjesinde sý basý qaýpi bar eldi mekender sany eki ese qysqardy. Búginde 41 eldi meken mamandardyń nazarynda.

Bıyl Ǵ.Músirepov, Aıyrtaý jáne Shal aqyn aýdandarynda qar jamylǵysy jáne qardaǵy sý mólsheri ádettegiden kóp. N.Búrkitalın «2017-2020 jyldarǵa arnalǵan sý tasqynynyń aldyn alý jáne qaýpin joıý keshendi sharalary» jol kartasy boıynsha josparlanǵan is-sharalardyń atqarylǵanyn jetkizdi.

Bıyl kóktemgi sý tasqynymen kúreske jeke quramnan 2 myń adam jumyldyrylýy qajet bolsa, 1,6 myńnan astam ınjenerlik jáne ótimdiligi joǵary tehnıka, sonyń ishinde 368 sý sorǵysh jáne 176 júzý quraly ázirlengen.

«Aýdandyq ákimdikter sý basý qaýpi bar eldi mekender men ýchaskelerge zamanaýı ınjenerlik tehnıkany jetkizdi. Olardy jalǵa alý kelisim sharttary jasaldy. Qajet bolǵan jaǵdaıda 291 tehnıka, sonyń ishinde 45 ekskavator jáne 157 býldozer qoldanylady», - dedi N.Búrkitalın.

Ár aýdanda turǵyndardy jáne olardyń malyn ornalastyratyn 263 oryn ázirlendi.

«Oblystyq bıýdjette 487,5 mln teńge qarastyrylǵan. Onyń 287,7 mln teńgesi kezek kúttirmeıtin shyǵyndarǵa, qalǵany tótenshe jaǵdaıdyń saldaryn joıýǵa jumsalmaq», - dedi basqarma basshysy.

Oblys ákimi Qumar Aqsaqalov mamandardy ylǵal qorynyń azaıýyna baılanysty bosańsymaı, jaǵdaıdy baqylaýda ustaýdy tapsyrdy.

«Ázirshe jaǵdaı qalypty dep arqany keńge salýǵa erterek. Tehnıka da, ınertti materıaldar da daıyn bolýy kerek. Ylǵal qory azaıǵanymen, ózenderden keletin qaýip joǵary. Oblystyń ońtústigindegi tórt aýdanda da erimegen qar áli jetkilikti. Inertti materıaldar jetkilikti deńgeıde ázirlenbeı jatyr. Bıyl qoldanylmasa kelesi jylǵa qalady. Qumdy qurylysqa da paıdalanýǵa bolady. Tehnıkany da aparyp qoıyńyzdar. Óıtkeni ótken jyldardan túıgenimiz, olardy qajet kezde jetkizý biraz ýaqytty alady. Sol sebepti osy bastan apara berińizder. Qajet bolmaǵan jaǵdaıda qaıtarasyzdar», - dedi Qumar Aqsaqalov.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Zagrýzka...
Pikir qaldyrý
+7
Jiberý
Sondaı-aq... oqyńyz
Zagrýzka...
ONLAIN QYZMETKERLER
REDAKTOR
Gúlmıra Alıakparova
Gúlmıra Alıakparova
954-059
REDAKTOR
Erbol Janat
Erbol Janat
954-059
REDAKTOR
Janıbek Amangeldı
Janıbek Amangeldı
954-059

MURAǴAT