+7 (701) 759 90 19
USD 425.73 EUR 498.32
RUB 5.8 CNY 65.85
Jańalyqtar

SQO-da sońǵy eki aptada 100-den astam bala koronavırýspen aýyrǵan

2021 jylǵy 28 shilde 19:25
Bólisińiz:
SQO-da sońǵy eki aptada 100-den astam bala koronavırýspen aýyrǵan

PETROPAVL. QazAqparat – Soltústik Qazaqstan oblysynda pandemııa bastalǵaly 709 bala koronavırýspen aýyrsa, sonyń 107-si sońǵy eki aptada syrqattanǵan, dep habarlaıdy QazAqparat tilshisi.

Uqsas jańalyqtar
Almaty oblysyndaǵy monıtorıngtik toptar 87 mln teńgege aıyppul saldy Koronavırýs: Atyraý oblysy «sary» aımaqqa ótti Almatyda bir táýlikte 5 myńnan astam adam vaktsına aldy

Óńir 13 shildeden bastap «qyzyl» aımaqta. Aýyrǵandar sany ósip keledi.

SQO ákiminiń orynbasary Asqar Saqypkereevtiń aıtýynsha, sońǵy eki aptada qaýipti ınfektsııany juqtyrý jaǵdaıy 3,5 ese artyp, 882 adamǵa jetti.

«Vırýsty juqtyratyndardyń negizgi bóligi - jastar. Desek te, KVI-men egde jastaǵylar da, orta býyn, balalar da aýyrady. Byltyr balalarda aýrý belgileri bolmady. Bıyl olardyń arasynda syrqattanǵandar sany artyp otyr. Pandemııa bastalǵaly 709 bala aýyrdy, onyń 107-si ótken eki aptada tirkeldi. ıAǵnı 18 %-ǵa ósken. Búginde 22 bala aýrýhanada, 153 bala ambýlatorııalyq jaǵdaıda emdelip jatyr. Taǵy 91 bala koronavırýsty juqtyrǵanymen aýrý belgileri bolmaǵan», - deıdi Asqar Saqypkereev.

Shilde aıynyń basynda SQO-da KVI-men aýyrǵandarǵa arnalǵan 630 ınfektsııalyq oryn bolsa, qazir onyń sany 1200-ge jetken.

«16 medıtsınalyq mekemede ornalasqan ınfektsııalyq statsıonarlar 53 %-ǵa tolǵan, onda qazir 635 syrqat emdelip jatyr. Aýyrǵandardyń jartysyna ottegi ballondary qajet. Qarqyndy terapııa palatalarynda 39 adam jatyr. Jalpy mundaı palatalarda 95 oryn bar. 11 adamnyń jaǵdaıy asa aýyr. Jaǵdaıdyń nasharlaýyna qaramastan bizde basqa da syrqattardy josparly túrde qabyldap jatyr. Budan da kúrdeli jaǵdaı týyndasa qosymsha 1290 oryn daıyndalady. Jumysqa tartylatyn medıtsınalyq mamandar tizimi jasaldy», - deıdi SQO ákiminiń orynbasary.

Petropavl qalasy men aýdandarda 56 mobıldi brıgada jumys isteıdi.

1036 syrqat ambýlatorııalyq jaǵdaıda em alyp jatyr. 1768 adam KVI-di juqtyrǵandarmen baılanysta bolǵandar, olar úı karantıninde otyr.

Asqar Saqypkereevtiń aıtýynsha, jaǵdaı baqylaýǵa alynǵan. Turaqtandyrý qorynda 258 mln teńgeniń 28 túrli dári-dármegi bar.

Oblystyń statsıonarlary da eki aıǵa jetetin medıtsınalyq preparattarmen qamtylǵan. Qajetti qondyrǵylar jetkilikti.

Jalpy SQO-da jyl basynan beri 4 myńnan astam syrqat emdeldi. Osy maqsatqa 1,9 mlrd teńge jumsalǵan.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Janıbek Amangeldı
Janıbek Amangeldı
954-059

MURAǴAT