SQO-da sıntetıkalyq esirtki saýdalaǵan 6 ınternet dúken jabyldy

PETROPAVL. QazAqparat – Soltústik Qazaqstan oblysynda byltyr zańsyz aınalymnan 462 kg astam túrli esirtki alynyp, 6 ınternet dúkenniń jumysyna tosqaýyl qoıyldy, dep habarlaıdy QazAqparat tilshisi.

Uqsas jańalyqtar

Elordada esirtkiniń iri partııasy tárkilendi

Qazaqstannyń 5 oblysynda esirtki zerthanalaryn ashqan qylmystyq top ustaldy Qyzylordada qoldan jasalǵan qurt ishinen esirtki tabyldy Aqmola oblysynda esirtki saýdasymen aınalysqan qylmystyq top ustaldy

SQO polıtsııa departamenti baspasóz qyzmetiniń málimetinshe, vedomstvonyń apta saıyn Facebook pen Instagram tikeleı efırinde ótetin brıfıngine esirtki qylmysyna qarsy is-qımyl basqarmasynyń bastyǵy Jandos Basybaev pen bólinistiń jedel ýákili Sultanǵazy Bilálov qatysty.

Mamandar balanyń esirtki saıttaryna kirgenin qalaı bilýge bolady, úılerdiń qabyrǵalarynda esirtki graffıtıi paıda bolǵan kezde qaıda júginýge bolady, esirtkini jasyrýshylardy qandaı belgileri boıynsha tanýǵa bolady degen sııaqty qoldanýshylardyń suraqtaryna jaýap berip, atqarylǵan jumystan habardar etti.

Jandos Basybaevtyń aıtýynsha, byltyr 195 esirtki qylmysy, onyń ishinde esirtki men psıhobelsendi zattardy satýdyń 49 faktisi anyqtalǵan.

Zańsyz aınalymnan 462 kg astam túrli esirtki alyndy. Esirtki saýdasyn jolǵa qoıǵan 6 ınternet-dúken anyqtalyp, jabyldy.

«Sot tájirıbesinde alǵash ret SQO-da ınternette sıntetıkalyq esirtkilerge jarnama jasaýmen aınalysqan fıgýrant qylmystyq jaýapkershilikke tartyldy jáne 4 jylǵa bas bostandyǵynan aıyryldy. Al bıyl 36 esirtki qylmysy anyqtaldy», - deıdi esirtkige qarsy kúres bólinisiniń basshysy.

Buǵan deıin SQO-daǵy aýyldardyń birinde sıntetıkalyq esirtki jasap kelgen zerthananyń anyqtalǵanyn aıtqan edik.