+7 (701) 759 90 19
USD 426.77 EUR 509.95
RUB 5.89 CNY 66.34
Jańalyqtar

SQO-da Segiz seriniń jerlengen zıraty tabyldy

2021 jylǵy 13 sáýir 11:21
Bólisińiz:
SQO-da Segiz seriniń jerlengen zıraty tabyldy

PETROPAVL. QazAqparat – Soltústik Qazaqstan oblysynda belgili aqyn, sazger Segiz seriniń jerlengen zıraty tabyldy. Bıyl basyna mazar ornatylmaq, dep habarlaıdy QazAqparat tilshisi.

Uqsas jańalyqtar

Súıinshi habardy SQO mýzeıler birestiginiń qyzmetkeri, ólketanýshy Ahmetjan Qýantaev jetkizdi.

«Segiz seriniń jatqan jerin zamandastary kýálandyrǵan. Aqyndardyń jazǵandary bar. 45 aqyn joqtaý shyǵarǵan. Solardyń ishinde Dos kóliniń jaǵasynda jerlendi degen joldar bar. Keıin Segiz seriniń oqýshysy, qostanaılyq aqyn Nurjan Naýshabaev ádeıi arnap kelip, eki aı Segiz seriniń aýylynda bolyp, balalarymen, báıbishesimen kezdesip, sonda jazǵan jyry bar. Shýmaqtardyń birinde: «Dos kóliniń jaǵasynda boldym, qoıylǵan tasty kórdim», - degen joldar kezdesedi. Keıin alasapyran zaman bolyp ketti ǵoı, 19 ǵasyrdyń aıaǵy, 20 ǵasyrdyń basy. Sodan umyt boldy, qoıǵan tasy joǵalǵan. 1863 jyly kórshi eldiń turǵyndary, kóship kelgen qara shekpendiler tasyn buzyp áketti dep aıtyp júrdi.

2018 jyly Segiz seriniń 200 jyldyǵyn toılap jatqan kezde, nelikten bizge onyń jatqan jerin tappasqa degen oı keldi. Ádebıetten bilemiz Dos kóliniń jaǵasyna jerlendi degen. Birinshi maqsatym sol zıratty tabý boldy. Jatqan qabirin bilmesek te, osy jerde Segiz seri jerlengen degen bir eskertkish qoıýdy ózime paryz sanadym», - deıdi Ahmetjan Qýantaev.

Ólkentanýshy Segiz seriniń jıenderinen týǵan Batyr degen jigitti ertip alyp, Tımırıazev aýdanyna jol tartady. Eki jyl boıy Segiz seri jaıynda biletin, jatqan jerin kórsete alatyn adamdardy izdeýmen bolady.

«20 shaqty adamdy taptym. Olar buryn sol mańdaǵy Dokýchaevo eldimekendegi sharýashylyqtardy basqarǵan, agronom, zootehnık bolǵan. Malshylarymen sóılesip, ańshylardy izdedim. Óıtkeni olar sol jerdi jaqsy biledi ǵoı. Aıtýlary boıynsha kóldiń shyǵys jaǵynan eski qorymdy taptym.

Ótken ǵasyrdyń 20-30 jyldary Segiz seriniń Nurmuhanbet degen nemeresi bolǵan. Sony kórgen eki ájemen kezdestim. Olar ol kezde jas kelinshek eken. Biraz nárse esterinde qalypty. Rysbıke anamyz atamnyń dál qasyna jerlengen dep jańaǵy Nurmuhanbet, laqap aty - Qyryqaı aıtyp otyrady eken», - deıdi mýzeı qyzmetkeri.

2020 jyly Ahmetjan Qýantaev ol jerdi zertteýge attanady. Dron ushyryp, ol jerde basqa eski qorymnyń joqtyǵyna kóz jetkizedi.

«Qazaq zırattarynyń óz tártibi bar. Bedeldi adamdy jerlegende basyn bıik etip kóteredi. Zıratta sondaı eki-úsheýi boldy. Al eki oba bir-birine túıisip, birge qosylyp ketken. Bizben birge tanymal arheolog Anatolıı Pleshakov barǵan edi. Ol da zırattyń kóne ekenin jáne belgili tulǵanyń jerlengenin aıtyp, bizdiń boljamymyzdy rastady», - deıdi ólketanýshy.

Segiz seri – aqyn, ánshi, batyr, «Elim-aı» ániniń avtory Qojabergen jyraýdyń urpaǵy. Ol da atasyna tartqan ónerpaz bolǵan eken. Shyn aty Muhamedhanafııa, jeńgeleri sheber qaınylaryn erkeletip Segiz atap ketken.

Bıyl Segiz seriniń basyna mazar ornatý josparlanyp otyr.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Uqsas jańalyqtar
Sondaı-aq... oqyńyz
Pikir qaldyrý
+7
Jiberý
ONLAIN QYZMETKERLER
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT