Valıýta baǵamdary:
    usd/kzt 478.01 eur/kzt 488.81

    rub/kzt 7.91 cny/kzt 70.76
Aýa raıy:
Nur-Sultan: 1 °S
Almaty: 15 °S

SQO-da ruqsatsyz ashylǵan 51 qaldyq polıgony ǵarysh arqyly anyqtaldy

2022 jylǵy 29 maýsym 12:05

PETROPAVL. QazAqparat – Soltústik Qazaqstan oblysynda ruqsatsyz ashylǵan 54 polıgon anyqtaldy. Byltyr óńirde sanktsııalanbaǵan qoqys oryndarynyń sany 363-ke jetken edi, dep habarlaıdy QazAqparat tilshisi.

SQO Ekologııa departamentiniń málimetinshe, «Qazaqstan Ǵarysh Sapary» UK» AQ ǵaryshtyq túsirilimderi nátıjesinde ruqsat etilmegen 51 qoqys orny anyqtalǵan. Taǵy úsheýin volonterler tapty.

«Qaldyqtardy ruqsatsyz ornalastyrý oryndaryn rastaý úshin departament mamandary ol jerlerge barady. Keıin olardy joıý boıynsha jumystar atqarylady. 2021 jyly óńirde ruqsat etilmegen 363 qaldyqtardy ornalastyrý orny anyqtaldy. Olardyń 294-i 83%-y joıyldy. «Adaldyq alańy» jobalyq keńsesiniń ótinishi negizinde Báıterek aýyly mańynda ruqsat etilmegen qoqys úıindisin uıymdastyrý faktisi boıynsha «SQO Qyzyljar aýdany Beskól aýyldyq okrýgi ákiminiń apparaty» KMM qatysty jospardan tys tekserý júrgizdi. Nátıjesinde 8 ga alańǵa óndiris jáne tutyný qaldyqtarynyń ruqsatsyz ornalastyrylǵany anyqtaldy», - deıdi SQO boıynsha ekologııa departamentiniń basshysy Azamat Bektasov.

Osylaısha Beskól aýyldyq okrýginiń ákimine jalpy somasy 87 510 teńgeniń aıyppuly salyndy jáne zań buzýshylyqtardy joıý týraly nusqama berildi.

SQO mamandandyrylǵan aýdanaralyq ekonomıkalyq sotynyń sheshimimen Beskól aýyldyq okrýgi ákiminiń apparaty zańsyz polıgondy bıyl 1 shildege deıin joıýy tıis.

Sondaı-aq SQO boıynsha «Birinshi sybaılas jemqorlyqqa qarsy medıa ortalyq» respýblıkalyq qoǵamdyq birlestigi fılıalynyń ótinishi negizinde ekologııalyq zańnamany saqtaý boıynsha ekologtar «Qyzyljar Tazalyq» JShS-ne qatysty jospardan tys tekserý júrgizdi.

Nátıjesinde birqatar zańbuzýshylyqtar anyqtaldy.

«Qatty turmystyq qaldyqtar polıgonynda kommýnaldyq qaldyqtardy jaǵý, suryptaý ishinara júrgiziledi, kiretin kólikterdiń bir bóligi qaldyqtardy suryptaý alańyna deıin jetkizbeı tógedi, qaldyqtardy jınaý tehnologııasy saqtalmaıdy, polıgonda tek jartylaı torly qorshaý bar. Budan basqa polıgon ıesi qaldyqtardyń tyıym salynǵan túrlerin, atap aıtqanda polıetılen, plastık, rezeńke qaldyqtaryn, metall bóshkelerdi, shyny ydys, shyny synyqtaryn, tamaq qaldyqtaryn, qaǵaz qaldyqtardy qabyldaǵan. Osyǵan oraı seriktestikke 252 698 teńgege ákimshilik quqyq buzýshylyq týraly hattama jasady. Zań buzýshylyqtardy joıý týraly uıǵarym berilip, SQO-nyń mamandandyrylǵan aýdanaralyq ekonomıkalyq sotyna QR ekologııalyq zańnamasynyń talaptaryn buzǵan polıgonynyń qyzmetin toqtata turý týraly talap aryz joldady», - deıdi Azamat Bektasov.


Avtor:

Aqerke Dáýrenbekqyzy

Novostı po teme
Uqsas jańalyqtar