+7 (701) 759 90 19
USD 419.69 EUR 510.89
RUB 5.63 CNY 64.82
Jańalyqtar

SQO-da polıtsııanyń medıtsınalyq qyzmeti 3 myńǵa jýyq PTR zertteý júrgizdi

2020 jylǵy 21 qarasha 18:42
Bólisińiz:
SQO-da polıtsııanyń medıtsınalyq qyzmeti 3 myńǵa jýyq PTR zertteý júrgizdi

PETROPAVL. QazAqparat – Soltústik Qazaqstan oblysynda polıtsııa bastyǵy vedomstvolyq emhanasy bar gospıtaldiń jumysyn jáne personaldyń koronavırýstyq ınfektsııaǵa qarsy kúreske daıyndyǵyn baǵalady, dep habarlaıdy QazAqparat tilshisi.

SQO Polıtsııa departamenti baspasóz qyzmetiniń málimetinshe, vedomstvolyq medıtsınalyq qyzmettiń jumysy SQO Polıtsııa departamenti bastyǵy Marat Tólebaevtyyń udaıy baqylaýynda. Bul koronavırýs ınfektsııasyna qatysty qazirgi jaǵdaıǵa da baılanysty.

Óńirdiń bas polıtseıi aldymen emhanaǵa jáne gospıtaldiń terapııalyq bólimshesine bardy. Medıtsınalyq kómek kórsetýge qajet dári-dármek pen jeke qorǵanys quraldarynyń jetkilikti ekenine kóz jetkizdi. Medıtsınalyq bólimniń basshysy Sergeı Fedorov satyp alynǵan 4 ottegi kontsentratoryn, terige tıgizbeı paıdalanylatyn 8 termometr men pýlsoksımetrlerdi kórsetti.

Medıtsınalyq qyzmetkerler syrqattanǵandardyń úı-jaılaryn zararsyzdandyryp, personaldy jáne emdelýshilerdi termometrııadan ótkizedi. Polıtsııa bólinisteriniń ákimshilik ǵımarattarynyń baqylaý pýnkterinde jeke quramnyń temperatýrasyn ólsheıdi.

Marat Tólebaev koronavırýstyq ınfektsııaǵa testileý júrgiziletin jáne bıomaterıal alynatyn fıltratsııalyq orynǵa bardy. Bul jumys asa ózekti, óıtkeni polıtsııa qyzmetkerleri aýa raıyna qaramastan, blok-beketterde qyzmet atqarady, qoǵamdyq tártipti saqtaı otyra, kóshelerdi patrýldeıdi. ıAǵnı, COVID-19 juqtyrý qaýpi zor. Pandemııa bastalǵaly jeke quramǵa 2736 PTR-zertteý júrgizildi.

«...Pandemııanyń alǵashqy tolqynynda medıtsınalyq qyzmetkerlerimizdiń úlken jaýapkershilikpen berile jumys istegenin atap ótkim keledi. Qazirgi ýaqytta da olar polıtsııa qyzmetkerlerimen ıyq tirestire qyzmet atqaryp, sapaly medıtsınalyq kómek kórsetip jatyr», - dep alǵysyn bildirdi SQO Polıtsııa departamentiniń bastyǵy.


Bizdiń kanalymyzǵa jazylyńyz:

Bólisińiz:

Avtor:

Aqerke Dáýrenbekqyzy

Pikir qaldyrý
+7
Jiberý
ONLAIN QYZMETKERLER
REDAKTOR
Kojakeldıev E.
Kojakeldıev E.
954-059
REDAKTOR
Erbol Janat
Erbol Janat
954-059
REDAKTOR
Aıdar Ospanalıev
Aıdar Ospanalıev
954-059

MURAǴAT