SQO-da paraqorlar memleketke jarty mlrd teńge shyǵyn keltirdi

PETROPAVL. QazAqparat – Soltústik Qazaqstan oblysy boıynsha Sybaılas jemqorlyqqa qarsy is-qımyl departamentiniń jetekshisi Ernar Baıanǵazın tikeleı efırde vedomstvonyń ótken jarty jyldaǵy jumysyn qorytyndylady, dep habarlaıdy QazAqparat tilshisi.

Uqsas jańalyqtar

Halyqtyń para berýge qatysty pikiri ártúrli - Olga Shııan

Para kólemi qalaı ózgerdi – zertteý qorytyndysy Qazaqstandyqtardyń 60 paıyzy jemqorlyqqa qarsy kúreste kómek kórsetýge daıyn Qandaı organdarda jemqorlyq faktileri jıi kezdesedi

Sybaılas jemqorlyqqa qarsy qyzmet basshysynyń sózine qaraǵanda, sybaılas jemqorlyq qylmystarynyń aldyn alýǵa basymdyq berildi. Departament mamandary sybaılas jemqorlyq táýekelderiniń syrtqy taldaýlaryn jasaıdy, sondaı-aq jobalyq keńseler, arnaıy baqylaý toptary jumys istep jatyr.

«Bizdiń bastamamyzben toqsan saıyn turǵyndar arasynda sybaılas jemqorlyqty qabyldaý deńgeıin anyqtaý maqsatynda saýalnama júrgiziledi. Birinshi toqsanda biz bir myńǵa jýyq soltústikqazaqstandyqty qamtydyq. Olardyń kópshiligi óńirdegi sybaılas jemqorlyq jaǵdaıyn ortasha deńgeıde dep baǵalady. Qazir biz ekinshi toqsan boıynsha saýalnama júrgizbekpiz», - deıdi Ernar Baıanǵazın.

Osyndaı aýqymdy aldyn alý jumysynyń júrgizilip jatqanyna qaramastan departament 54 qylmysty tirkedi. Onyń 37-si, ıaǵnı 69% para alýǵa qatysty.

«Memlekettik organdardyń 5 basshysyn ustadyq. Onyń bireýi oblystyq, úsheýi aýdandyq jáne bir-birden qalalyq, aýyldyq mekemelerdiń jetekshileri. 84 qylmystyq is óndirispen aıaqtaldy. Onyń 36-sy sotqa jiberildi. 12 tulǵa sottaldy. Onyń altaýy jazasyz kolonııada óteıdi, beseýine aıyppul salyndy jáne bireýiniń bas bostandyǵy shekteldi. Aıaqtalǵan qylmystyq ister boıynsha memleketke 458,2 mln teńge shyǵyn keltirilgendigi anyqtaldy. Onyń 452 mln teńgege jýyǵy qaıtaryldy», - deıdi vedomstvo jetekshisi.